Од верските календари


15 ноември 2019

ОД КАЛЕНДАРОТ НА МПЦ

Според календарот на МПЦ (Јулијанскиот календар) денеска е 2 ноември.

Денеска е Св. маченици Акиндин, Пигасиј, Анемподист, Афтониј, Елпифидор и други.

Сите овие пострадаа во Персија, за време на гонењето од страна на богоборниот цар Сапор, во четвртиот век. Прво Сапор дозна дека Акиндин, Пигасиј и Анемподист, кои беа слуги на неговиот двор, се христијани и ги стави на маки. Додека ги мачеше, се пројави Божјата сила врз овие тројца, зашто во сите измачувања остануваа неповредени. Чудото го потресе Афтониј, еден од xелатите, па поверува во Христа, за што беше погубен. Еден дворски великодостојник Елпифидор, инаку таен христијанин, го прекори царот што измачува невини луѓе, па и тој беше погубен, заедно со уште 7000 други христијани. Најпосле, џелатите ги убија и светите Акиндин, Пигасиј и Анемподист и уште некои војници, а и мајката на царот, зашто и тие веруваа во воскреснатиот Христос.

ОД КАТОЛИЧКИОТ КАЛЕНДАР

Денеска е Св. Алберт Велики.

Роден е во Германија во тринаесеттиот век. Бил калуѓер, доминиканец и многу побожен и учен. Како професор предавал на многу универзитети меѓу кои и на прочуениот универзитет во Париз. Поради занимливостите во неговите предавања, морал да предава на плоштадот Мауберт, кој го носи неговото име, од латинските зборови Магнус Алберт. Негов ученик бил и познатиот Свети Тома Аквински, еден од најголемите теолози. Му се молат студентите.

No Picture
Вести

Одобрен турско-либискиот договор, Турција добива пристап до економската зона во Медитеранот

Комисијата за надворешна политика при турскиот Парламент го одобри денеска договорот на Турција со либиската Влада за поморската граница во Средоземно Море, што и овозможува на Турција пристап до економската зона во Медитеранот. Во текот […]

Вести

Полициска акција во две домашни и една странска фирма поврзани со бизнисменот Камчев

Се уште се тече полициска акција во три фирми поврзани со бизнисменот Орце Камчев и тоа две во нашата држава и една во Шпанија, со претходна наредба од страна на надлежен обвинител,  потврдија извори од […]

Вести

До Нова година бесплатно чипирање на милениците, почнува кампањата за помалку бездомни животни

Секој одговорен сопственик треба да ги микрочипира домашните миленици, а нивното напуштање е казниво со закон. Ова се двете пораки кои од денеска по скопските улици ќе ги пренесува автобусот број „2“ како дел од […]