ФХ3Х дел од визуелните ефекти на Годзила


Македонската компанија за анимација и визуелни ефекти ФХ3Х, учествуваше во креирањето на визуелните ефекти на најновото издание на 65-годишната франшиза за познатото чудовиште Годзила, чие премиерно прикажување во земјава се очекува на крајот на мај месец.

Франшизата за најпознатото јапонско чудовиште кое прв пат се појави на екраните во 1954 година, овојпат според сценарио и режија на Мајкл Доерти, најавува достојно претставување на креацијата на Томојуки Танака и универзумот на Тохо кој Годзила, Родан, Мотра и Гидора ги сметаат за божества. Танака го создал Годзила како израз на теророт кој Јапонците го чувствувале по бомбардирањето на Хирошима и Нагасаки со атомски бомби. Според изјавата на Танака, Годзила е одмазда на природата против злосторствата на човештвото. Не е изненадувачки што најновото продолжение во рацете на режисер кој е популарен за хорори е оценето дека не е за деца под 13 години заради реалистичните сцени на насилство.

Според Кристијан Даниловски, ко-основач на ФХ3Х ова е триесет и треттиот филм во франшизата и ако во претходните делови критиките беа насочени кон премалку борби меѓу чудовиштата, овојпат со 17 каиџу креатури, тоа ќе го има доволно.

-Сите кои сме фанови на оваа франшиза знаеме дека овие филмови всушност имаат многу силна порака врзана за животната средина. Суштината која се провлекува е дека доколку не ја почитуваме, природата ќе не надвладее на свој начин. Овојпат останува да ја откриеме заедно пораката скриена во филмот која се пренесува со децении преку постоењето на Годзила и да уживаме во мајсторството кое што според критичарите е оценето како најдобрата американска изведба на Годзила, до денес, а на кое ние учествувавме со тим од 80 артисти, на околу 200 кадри, во периодот од април до август, минатата година, изјави Даниловски.

Премиерното прикажување на Годзила во Скопје е закажано за 30 мај во киното Синеплекс.

Вести

Новиот закон за ЈО утре во Собранието, власта очекува поддршка од опозицијата

Владата утре Предлог-закон за Јавно обвинителство ќе го прати во Собранието. Очекуваме своите ставови пратениците да ги кажат во законодавниот дом, а ако имаат забелешки и да поднесат амандмани. Градењето дво-третинско мнозинство ќе биде во […]

Бизнис

Бензините поевтинуваат за еден, а дизелот за половина денар

Цената на бензините од ноќеска на полноќ се намалува за еден денар, а на дизелот и на екстра лесното масло за домаќинство за половина денар, одлучи денеска Регулаторната комисија за енергетика. Согласно новите цени, ЕУРОСУПЕР […]

Вести

Одбиено барањето на Кочан за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за […]