Трудов инспектор во Кавадарци открил пет албански државјани како работат без работна дозвола и регулиран престој


– Државен трудов инспектор вчера при контрола на градилиште на фирма од Кавадарци, пронашол пет државјани на Република Албанија, како извршуваат работни задачи без работни дозволи и без регулиран престој.


 

За ова денеска информираше Верољуб Додевски, портпарол на СВР Велес.

Лицата биле лишени од слобода, а од страна на судија  на претходна постапка, на сите им се изречени парични казни и мерка протерување, како и забрана за влез во Република Северна Македонија, во траење од пет години.