Три глоби за непочитување на полицискиот час во Ресен


Основното јавно обвинителство Ресен поднесе предлози за издавање казнени налози за три лица заради кривично дело – непостапување според здравствени прописи за време на епидемија, информираат од Јавното обвинителство.

Обвинетите, како што е наведено во соопштението, не постапиле според прописите и наредбите со кои се определуваат мерки за сузбивање или спречување на заразна болест предизвикана од коронавирусот Ковид-19, односно не ја почитувале Одлуката за забрана и посебен режим на движење на територијата на Република Северна Македонија донесена од Владата.

-Првообвинетиот на 24 март, наспроти донесената Одлука за забраната за движење на населението од 21:00 до 05:00 часот, бил затекнат во 22:10 часот како со патничко моторно возило Форд се движел кон излезот на Ресен спрема село Царев Двор. Вториот обвинет, инаку жител на Битола, на 25 март во 21:20 часот бил затекнат како го напуштал Ресен со патничко моторно возило Алфа Ромео, при што бил сопрен од полициските службеници кај контролниот пункт м.в. „Гранит“ Ресен на излезот према Битола. Третиот обвинет, пак, на 25 март околу 23:00 часот се движел по ул.„29-ти Ноември“ во Ресен поточно пред ОВР Ресен каде бил затекнат од полициски службеници на ОВР Ресен, велат од Обвинителство.

Јавните обвинители кои постапуваат во предметите на Основниот суд Ресен му предложиле на секој од тројцата обвинети да им биде изречена парична казна во висина од 100 дневни глоби, при што вредноста на една дневна глоба да се определи во висина од по 20 евра во денарска противвредност.


Вести

Мицкоски: Подавам рака да помогнам на Владата, еве како до 1 милијарда и 200 милиони евра без кратење на плати и веднаш да се помогне на бизнисот

Интегрален текст од прес конференција – Христијан Мицкоски, Претседател на ВМРО-ДПМНЕПочитувани, Има ли некој кој верува дека денес е Македонија на прав пат? Дупката во буџетот постојано се поместува, од 1 милијарда и 200 милиони […]

Вести

Пациентка од Струга почина од Ковид-19, 22 нови случаи, вкупно заболени 241 лице

– Дваесет и два нови случаи на заболени од коронавирус се регистрирани изминатите 24 часа во земјава, соопшти Министерството за здравство. По градови во Скопје (9), Куманово (3), Струга (3), Тетово (2), Дебар (2), Прилеп (2), […]

Вести

Чулев: Во ситуации кога е неопходно личните карти и возачките дозволи ќе се доставуваат на домашна адреса

– Министерот за внатрешни работи Наќе Чулев денеска најави дека в понеделник ќе се смени правилникот со што во ситуации кога е неопходно личните карти и возачките дозволи ќе има можност да се доставуваат на […]