Пронајден хероин во ресенско, приведени две лица


– Полицијата синоќа при контрола на патничко возило на патот Битола-Ресен пронашла хероин, поради што ги привела возаот и совозачот.


 

-На патот Битола-Ресен синоќа во 21:40 часот полициски службеници од Отсекот за недозволена трговија со дрога и оружје од Одделението за криминалистичка полиција при СВР Битола и од Полициско одделение за БПС од ОВР Ресен ги лишиле од слобода С.Ф.(39) од Скопје, со живеалиште во Ресен и Ш.А.(54) од Ресен. При преглед во патничко возило „опел“, управувано од С.Ф., а сопатничка била Ш.А. бил пронајден и одземен хероин, информира МВР.

Тие биле приведени во полициска станица и по целосно документирање на случајот против нив ќе биде поднесена соодветна пријава.