Притворен сторител на серија кражби во автомобили во Гостивар


Полицијата рачисти серија провални кражби во автомобили, што изминативе две недели беа регистрирани во Гостивар. На осомничениот му определен притвор и од синоќа е во КПУ Скопје.

Гостиварецот Б.С. (30) е осомничен дека извршил 27 тешки кражби од кои најголемиот дел во јануари, со провалување во автомобили со кршење на стакла од вратите. Неговиот плен биле вредни предмети кои сопствениците ги оставале во возилата.

Пред два дена полициски службеници извршиле претрес во објект на улица „Јордан Јордановски“ во Гостивар, во кој времено престојувал осомничениот.

– При претресот, реализиран со судска наредба, во објектот се пронајдени предмети кои потекнуваат од повеќе тешки кражби: уметнички слики, разновиден алат, кабли, лекарства, аудио опрема и други предмети. Б.С. е лишен од слобода и задржан во Полициската станица Гостивар, поради сомнение дека е сторител на тешки кражби, велат од СВР Тетово.

Дел од пронајдените предмети им се вратени сопствениците. По приведувањето, нему му е поднесена кривична пријава, а судија на претходна постапка синоќа му определил притвор со траење од осум денови, по што е предаден на издржување на мерката во скопскиот истражен затвор.

Вести

Законот на ЈО во август, ако се постигне консензус

Владата вчера на седница го усвои Предлог-законот за Јавното обвинителство и донесе одлука да биде испратен на усвојување во Собранието со европско знаме и во скратена постапка. На предлог на Министерството за правда Владата прифати […]

Вести

Хан и Рикер доаѓаат во Скопје на средби со државниот врв и со опозицијата

Еврокомесарот за проширување Јоханес Хан утре доаѓа во Скопје на средби со државниот врв и со лидери на политички партии. Хан ќе се сретне со претседателот Стево Пендаровски, со премиерот Зоран Заев и со лидерот […]

Вести

Јанева негира вмешаност во „Рекет“, тврди дека некој со сите сили сака да го урне СЈО

Специјалната обвинителка во оставка Катица Јанева вчера на прес-конференција негираше дека е вмешана во случајот „Рекет“. Обвини дека против неа и нејзиното семејство се води хајка уште од самото стапување на функцијата, со цел нејзина […]