Притвор за тројца осомничени за сообраќајката кај Ласкарци

На тројца осомничени за автобуската несреќа кај Ласкарци вечерва им е одреден притвор во траење од 30 дена, информира Кривичниот суд.
На две од седумте осомничени лица им е одреден куќен притвор, а на едно лице мерки на претпазливост.
-Постапувајќи по предлог на Основното јавно обвинителство за определување мерка притвор за шест лица и мерки за претпазливост за едно лице, кои денеска беа спроведени во судот, судија на претходна постапка по произнесување на лицата како и ценење на фактите и доказите приложени во предлогот донесе решенија со кои за Д.Б., Р.М. и М.Т го прифати предлогот на обвинителството и им определи мерка притвор во траење од 30 дена заради постоење на основите од член 165 ст.1 т. 1, 2 и 3 од ЗКП, се наведува во соопштението на Кривичен суд.
За  И.Ѓ. , Г.Д. и Ј.Б., како што информира Судот, одбиен е предлогот на обвинителството за определување мерка притвор. За И.Ѓ. и Г.Д е определена мерка куќен притвор, заради постоење на основите од член 165 ст.1 т. 1, 2 и 3 од Кривичниот законик. На Ј.Б. му определи мерки на претпазливост – одземање на патна исправа и забрана за напуштање на живеалиштето односно престојувалиштето, обврска повремено да се јавува на службено лице во судот и забрана за вршење на работни активности. За  В.Г. е прифатен предлогот на обвинителството за определување мерки за претпазливост.

Против овие решенија, странките имаат право на жалба.

Јавниот обвинител од ОЈО – Скопје Сашо Рајчев денеска на прес-конференција рече дека главна причина за несреќата се неисправните сопирачки на автобусот и преголемата брзина со која се движел.

Несреќата кај Ласкарци се случи на 13 февруари кога автобусот на „Дурмо турс“ со 51 патник излета од патот Тетово – Скопје и падна во провалија откако ја проби заштитната ограда на автопатот.  Во несреќата загинаа 15 лица, а 39 беа повредени.


Бизнис

Фондот за Западен Балкан додели грантови за 24 проекти

Секретаријатот на Фондот за Западен Балкан во Тирана ја одржа дводневната партнерска работилница и церемонијата за доделување на грантови од 24-те победнички проекти од вториот повик на ВБФ. На настанот присуствуваа високи претставници од министерства за […]

Вести

Протест на жителите на Гази Баба против преселбата на Центарот за зависности во нивната населба

Жителите на Гази Баба денеска одржаа протест против најавата за дислокација на Центарот за одвикнување од зависности од Општина Кисела Вода во простории на поранешната фабрика „Металски завод – Тито“, во населбата Маџари. Учесниците на […]

Вести

Марш за Денот на параплегијата и дистрофијата во Скопје

Денот на параплегијата и дистрофијата денеска беше одбележан со марш организиран од Националниот сојуз на лица со попреченост „Мобилност“, под слоганот „Силата не е во чекорењето, силата е во издржливоста!” Неколку години по ред, секцијата […]