ОЈО отвори истрага против жител на Чашка осомничен за обид за силување во Негорци


 Основното јавно обвинителство Гевгелија поведе истражна постапка против жител на селото Мелница, општина Чашка осомничен дека на 12 јануари годинава со употреба на сила се обидел да присили на обљуба жена од селото Негорци.

Осомничениот, информираат од ОЈО, се обидел да стори кривично дело „силување“ од член 186 став 1 во врска со член 19 од Кривичниот законик.

– Откако самиот се довел во состојба на пијанство со 1,66 грам промили алкохол во крвта, тој отишол во домот на оштетената и започнал разговор со неа дека сака да ја земе за жена нејзината ќерка. Оштетената го одбила, по што тој ја нападнал, обидувајќи се да ја соблече и да ја принуди на обљуба. Оштетената се бранела, пробувајќи да го оттурне и да повика помош, но осомничениот ја совладал, удирајќи ја и нанесувајќи и повреди на главата и телото. Повиците за помош на оштетената ги слушнале двајца соседи кои дотрчале и му се заканиле на осомничениот дека ќе повикаат полиција, по што тој избегал, стои во соопштението од ОЈО.

Според ОЈО осомничениот претходно е осудуван за повеќе кривични дела, меѓу кои и за кривичното дело – Полов напад врз дете кое не наполнило 14 години, а кое претставува истородно кривично дело со она за кое се гони во конкретниот случај. Имајќи го предвид тој факт, како и ценејќи ги сите други околности кои упатуваат на стравот дека осомничениот би можел да го повтори или да го доврши обиденото кривично дело, надлежниот јавен обвинител до Основниот кривичен суд Гевгелија достави Предлог за определување мерка притвор.


Вести

Германија инсистира на одржување на меѓувладината конференција до крајот на годинава, Бугарија останува на ставот за преговарачката рамка

– Германија повторно потенцира дека цел на германското претседателство со ЕУ е одржување на првата меѓувладина конференција со Северна Македонија до крајот на годинава и оти тоа е во интерес на сите вклучени страни. Бугарија […]

Започна пленарната седница за избор на претседател на Собранието - МИА
Вести

Ребалансот на Буџетот од денеска на пленарна седница

– Дополнетиот предлог за изменување и дополнување на Буџетот на Република Северна Македонија за 2020 година, кој содржи амандмани од комисиската расправа, од денеска е на пленарна седница. Според предложениот дневен ред е прва точка […]

Вести

Рекордни 870 случаи на Ковид-19 и нови мерки, задолжителна маска и забрана за групирање на отворено

– Нови рекордни 870 случаи на Ковид-19 беа регистрирани вчера, додека Собранието доцна синоќа го донесе Законот за заштита на населението од заразни болести, со кој стапуваат во сила мерките на Владата за носење маска […]