Зголемените површини со пролетна зелка може да ја намалат откупната цена


– Во земјава, Албанија и Србија се зголемени површините со пролетна зелка и тоа може да влијае на откупната цена на оваа градинарска култура, предупредуваат откупувачи од Струмичкиот регион.

Трговците информираат дека во земјава површините засеани со пролетна зелка се зголемени за 20 отсто во споредба со лани, кога се откупуваше по прифатливи цени за земјоделците од почетокот до крајот на сезоната.

-Моментната цена изнесува 35 денари за килограм и се откупуваат многу мали количини, а пред неколку денови откупната цена изнесуваше 50 денари за килограм. Во овој период пролетната зелка во Албанија се откупува од 55 до 60 евро центи за килограм. Сметам дека годинава како ланските откупни цени на зелката ќе нема, бидејќи производството на оваа градинарска култура е зголемено како кај нас, но и во Албанија и Србија. Очекувам зелката да се откупува, бидејќи за неа има пазари каде може да се троши, вели Благој Витанов, откупувач од Струмица.

Според трговецот Ацо Стоилков годинава квалитетот на пролетната зелка е одличен и дека нема да има проблеми со откупот и пласманот.

-Имаме најави за откуп од наши долгодишни деловни пријатели од земји од Источна Европа и централно европските земји и во последните десетина денови тие престојуваа тука и склучивме договори за извоз, информира Стоилков.

И производителите потврдуваат дека се зголемени површините со пролетна зелка.

-Очекуваме цена која сигурно нема да биде како ланските, но да добиеме цена за да не остане зелката на нивите, смета Бончо Божиков, производител на пролетна зелка од село Дабиле.

Спорд трговците шпицот на откупот на пролетната зелка се очекува на почетокот на идниот месец, кога ќе се знае колкава ќе биде понудата и побарувачката.

И годинава пролетната зелка треба да се извезува во Украина, во поранешните југословенски републики, во земји од ЕУ, но и во скандинавските земји. 


Вести

Три медицински сестри од ГАК позитивни на Ковид-19, а доктор и директорката се во самоизолација

– Три медицински сестри од Универзитетската клиника за гинекологија и акушерство се позитивни на Ковид-19. Се заразиле преку семеен контакт, а двајца доктори меѓу кои директорката на Клиниката, Викторија Јовановска се во самоизолација поради заболени […]

Вести

Апел од верските лидери до граѓаните: Да се почитуваат мерките со цел заштита на своето здравје и здравјето на блиските

– Сите наши верници и сите граѓани на нашата држава, на актуелната состојба со коронавирусот да гледаат со највисок степен на сериозност и со целосно и доследно почитување на сите пропишани мерки да го заштитат сопственото, […]

Во Собранието формирани пратеничките групи - МИА
Вести

Законот за заштита од заразни болести и ребалансот на Буџетот пред пратениците на 27 октомври

Измените и дополнувањата на Законите за заштита на населението од заразни болести, ребалансот на Буџетот и законот за заштита од дискриминација се очекува да бидат на дневен ред на собраниската седница закажана за 27 октомври. Доколку […]