TOW#526 – Некој


„Tip of the Week“ се авторски текстови што се објавуваат секој четврток и обработуваат теми од секојдневниот живот коишто помогат да го подобрите вашето лично и професионално работење. Коментарите за совети, можете да ги пишувате на: www.facebook.com/tipoftheweekPriracnik Како сублимат на првите 100 совети издадени се единствените прирачници за личен и професионален развој



Сигурно и вас ве нервира кога не знаете со кого зборувате од другата страна на телефонот?

Сигурно и вас ве нервира кога треба да притискате милијарда копчиња за да дојдете до посакуваната информација (за ова притисни 1, за она притисна 2,… ако сакате ова притисни 1, ако сакате она 2….итн. итн., до недоглед)

Сигурно и вас ве нервира она копчено со кое потврдуваш дека не си робот?

Е, ова последново се случува само затоа што сè повеќе и повеќе не знаеме со кого комуницираме и се однесуваме со тие, од другата страна, како да е некој (безимен) односно никој и ништо. Последиците се тие.

Затоа:

  • Знајте со кого зборувате – кога ќе се јавите некаде, прво вие претставете се и побарајте да ви го кажат името на личноста со која разговарате. Ако не сте го слушнале убаво, побарајте да ви го повторат. Не е ОК да му згрешите име некому, но уште повеќе не е ОК, ако не знаете со кого сте зборувале.
  • Визит-карта – кога сте на некои настани, задолжително имајте визит-карта со вас со која ќе овозможите да го дознаат вашето име, но побарајте и другата страна да ви даде визит-карта. Ако немаат, пробајте да ги запомните неговите/нејзините контакти.
  • Вашето име – можеби вашето име мислите дека е лесно за помнење, но тоа не е секогаш така, особено ако соговорникот ви е странец. Знајте да го спелувате и убаво да го кажувате, доколку сакате да ве запомнат.
  • Запомнете ги имињата – доколку имате проблем со ова, најдете начин како да ги запаметите имињата на луѓето кои ви се претставуваат. Јас тоа го правам со поврзување со настани и ако сум на некој настан, истата личност ја опишувам со мои зборови, за да знам која била таа личност.
  • Присутност во комуникација – кога комуницирате со некого (посебно по телефон), бидете присутни и фокусирани во комуникацијата, а не да чукате на компјутер, да зборувате со други итн. итн. Се забележува дека не сте присутни во разговорот и сосема е оправдано соговорникот да не сака во иднина да комуницира со вас.
  • Повторување – сме рекле неколку пати дека повторувањето е мајка на знаењето, па така и тука: повторете го името на личноста за време на комуникацијата неколку пати, навечер пред да си легнете (чисто како ревизија на денот) или, пак, кога сакате – повторете го!

Едно да знаете, кога не знаете со кого комуницирате, тоа дава сигнал дека личноста не ви е важна, односно дека е некој, односно никој и ништо. Како би ви било вие да сте тој/таа личност?

Со успех во промените,

@kalinbabusku


Вархеји сака гаранции дека изборите ќе бидат фер - МИА
Вести

„Политико“: Вархеји и ЕПП се премногу меки кон Софија за блокадата на Скопје

– Еврокомесарот за добрососдество и проширување Оливер Вархеји е премногу мек кон Софија во однос на блокадата на Северна Македонија, пишува „Политико“ во својата анализа за работата на комесарите во изминатава година. Како најлош момент […]

Вести

Состојбата со Ковид-19 под контрола, здравствениот систем се подготовува за вакцинација

Бројот на заболени од Ковид-19 минатата недела е намален за 9,9 отсто, а се зголеми бројот на оздравените. Надлежните сметаат дека состојбата е под контрола, а здравствениот систем веќе почна со подготовките за вакцинација против […]

Вести

Гоце Делчев, средновековниот и раноосманлискиот период – теми на онлајн средбата на македонските и бугарските историчари

Содржината во македонските учебници по историја за средновековниот период и раноосманлискиот период ќе биде тема на 11. средба на македонско-бугарската Мешовита комисија за историски и образовни прашања, која ќе се одржи денеска и утре. На […]

Биди првиот кој ќе коментира

Вашиот коментар

Твојата е-маил адреса нема да биде објавена.


*