TOW#469 – Тебе да ти е убаво!

„Tip of the Week“ се авторски текстови што се објавуваат секој четврток и обработуваат теми од секојдневниот живот коишто помогат да го подобрите вашето лично и професионално работење.Коментарите за совети, можете да ги пишувате на: www.facebook.com/tipoftheweekPriracnik Како сублимат на првите 100 совети издадени се единствените прирачници за личен и професионален развој.

Тебе да ти е убаво!” (или по струшки – „Тебе да ти е убо!”), е фраза која за прв пат ја слушнав од еден мој пријател од Струга. Во ситуација кога јас му раскажував какви работи сум си купил за дома, и колку сум среќен поради тоа, тој ми вели – „Супер! Тебе да ти е убаво!”.

Мене многу ми се допадна таа фраза, бидејќи покрај тоа што има хумористична нота, ако се навлезе длабоко, има огромна синтактичка вредност и ефект. Самата фраза се основа сосема спротивно на она што се случува во меѓучовечките односи на социјално и на психолошко ниво кај нас, но и пошироко. Самата фраза „Тебе да ти е убаво”, не се однесува на нас лично (ЈАС), туку на другиот, соговорникот (ТИ). Во ова време на индивидуализација, изолација и сегментација, време кога сите си мислат само на себеси и што добивам ЈАС во некоја ситуација, овој концепт, концепт на социјално размислување и размислување за другиот, а не за себе, може да биде еден вид клуч за јакнење на меѓусебната комуникација, да го подобри меѓусебното разбирање, а со тоа и соживотот помеѓу луѓето.

Во Емоционалната писменост, секоја емоција или состојба има своја спротивна емоција. Така, концептот на  Его (ЈАС) е спротивно на Емпатија (ТИ). Денес, нашето ЈАС е огромно и не остава многу простор за развој на Емпатијата (ТИ – перспектива). Поради тоа, овој концепт можеби ќе влијае (колку толку) на менување на тој сооднос.

Според моето мало истражување, помеѓу стружани, но и жители на други градови во Македонија (за познавањето и користење на овој израз), заклучив дека, покрај тоа што најмногу се употребува во Струшко-Охридскиот регион, самиот концепт може да има различна примена:

  1. Вистинска поддршка на соговорникот: искрена, позитивна конотација. Кога ви е искрено мило за соговорникот и го поддржувате во неговите планови. Кога навистина сочувствувате со нив и ви е мило за нивните успеси, дела или акции.
  2. Иронија/Критика: кога сакате да бидете саркастични и да испратите погрешна порака, се користи во ироничен контекст. Кога некој си мисли само на себе (кога е себичен) тогаш соговорниците знаат да ја искористат оваа фраза да бидат иронични кон таа личност, со цел да му испратат порака дека можеби се однесува себично.
  3. Советодавно: некогаш кога сакаш да заштитиш пријател, роднина, колега кој премногу се дава за другите и знаете дека може да биде повреден во дадената ситуација, го советувате да ја одбере таа опција затоа што за него е подобра.
  4. Хумор: се употребува и во разни други ситуации, кога можеби и нема некоја посебна поента. Се употребува како фраза со која било тема на разговор, чисто хумористично.

Што и да е причината за користење на оваа фраза, во секој случај, се однесува на другата личност (не на себе), и може да биде корисна во менување или подобрување на односите помеѓу луѓето. Но, доколку почнете повеќе да ја користите оваа фраза, најважно е вашата намера во заднина да биде вистински позитивна.

Со успех во промените,

Петар Лазаров


Бизнис

Протест на технолошкиот вишок на „Еурокомпозит“- По две години ништо не е решено

Работниците прогласени за технолошки вишок кои се уште чекаат да им бидат исплатени отпремнините од прилепската компанија „Еурокомпозит“ денеска се собра на протест во центарот на Прилеп. Тие бараат одоговор за состојбите во фирмата и […]

Бизнис

Лани без објавување оглас склучени 596 договори во вредност од 33 милиони евра

Големи тендери, намалена конкуренција, склучени договори без објавување оглас, раст на бројот на поништени тендери, се дел од клучните наоди на мониторингот на јавните набавки спроведени во периодот јули-декември 2018 година. Во извештајот на Центарот […]

Вести

Комплетиран кабинетот на претседателот Пендаровски

Претседателот Стево Пендаровски, го комплетираше составот на својот кабинет. Генерален секретар ќе биде Миле Бошњаковски, кој досега ја извршуваше функцијата портпарол на Владата, додека шеф на протокол ќе биде Билјана Мицевска. Одговорна за односи со […]