TOW#454 – Квалитет на изработка

 

„Tip of the Week“ се авторски текстови што се објавуваат секој четврток и обработуваат теми од секојдневниот живот коишто помогат да го подобрите вашето лично и професионално работење.Коментарите за совети, можете да ги пишувате на: www.facebook.com/tipoftheweekPriracnik Како сублимат на првите 100 совети издадени се единствените прирачници за личен и професионален развој.

 

„Не дека сум против гасоводот, туку страв ми е како ќе биде изведен, знаејќи го нашиот менталитет, ќе биде направен со лош квалитет”.

„Леле, страв ми е да се возам по новиве патишта, којзнае како се направени и со каков квалитет!“

„Сакаме да купиме стан, но страв ни е како се направени, гарант некаде намалиле на квалитет”.

Во последниве години, сè почесто ги слушам овие забелешки и многу други поврзани пред сè за квалитетот на изработката на работите. Луѓето изгубија верба дека кај нас може да има нешто квалитетно направено, па и тие што прават квалитетни работи се ставени под знак прашалник!

Искрено речено, не верувам во концептот (барем не во поново време) дека купувачот е секогаш во право, но тука се работи за еден повисок момент, недоверба во квалитетот на изработката на кое било ниво и за која било изработка! Дека секогаш ќе има луѓе кои ќе негодуваат, ќе има и тоа сите си го знаеме, но дека недовербата во квалитетно изработени работи е на многу високо ниво и треба да се намали И ТОА ПОД ИТНО!!!

Ова што сега се случува, не е на арно и импликациите што може да ги има се многу големи. Сето ова влијае на:

  • Довербата – како се намалува квалитетот на продуктите/сервисите што ги нудите, така се намалува и довербата кон вас, вашиот бизнис и сè што е поврзано со вас. Сето ова може да има огромно влијание врз вашиот профит/приход, па сега вие мислете му ја!
  • Мислењето за вас – лош квалитет во изработка на работите многу зборува за вас самите, без оглед дали работите во/за јавна институција или во/за приватен сектор. Кога ќе се знае дека вие нудите лош квалитет, тоа се одразува на целокупниот ваш живот!
  • Приход – лош квалитет, лоша репутација, намален приход, банкрот!
  • Иднината ваша – се ова погоре напишано, влијае на вашата иднина и иднината на вашите најблиски.

 

Знаете како, она што ќе го испорачате, тоа зборува за вас. Ако сакате да зборат лошо за вас, а со тоа и самите да си направите штета на вашиот живот, но и на вашите најблиски, тогаш продолжете така. Ако сакате да биде спротивното, тогаш уште веднаш излезете од стакленото ѕвоно во кое живеете и направете промена. Подобрето го квалитетот на вашиот живот, преку подобар квалитет во работите/сервисите кои ги нудите!

 

Со успех во промените,

@kalin.babusku


Вести

Финансиска полиција: Акцијата во Љуботен наменета против нелегалниот увоз на тутун

Управата за финансиска полиција денеска преку соопштение информира дека вчерашната акција спроведена во селата Љуботен, Сингелиќ, Визбегово и Арачиново била наменета против нелегалниот увоз, производство и трговија со недозволената сорта тутун „вирџинија“, а не била […]

Вести

Анкета: Граѓаните поделени околу општиот впечаток за работата на Владата

Повеќе од половина од граѓаните или 51,3 проценти не ја одобруваат работата на Владата, наспроти 43,8 проценти кои ја одобруваат работата, покажува истражувањето за ставовите и довербата на граѓаните за работата на Владата на Агенцијата за […]

Вести

Заев го повлече предлогот да раководи со Министерството за финансии, ќе ја врши функцијата до изборот на нов министер

Премиерот Зоран Заев на денешната 103. седница на Собранието, на која се расправа по реконструкцијата на Владата, го повлече предлогот во исто време да биде и министер за финансии. Заев појасни дека согласно овлатувастувањата со […]