Шпаркасе ја презеде Охридска банка, станува четврта банкарска групација со 14 проценти пазарен удел


Австриската Штаермаркише Банка и Шпаркасе, кои веќе се присутни во земјава 10 години, од 4 ноември се сопственици и на Охридска Банка. Со тоа станаа четврта најголема банкарска групација со пазарно учество од околу 14 отсто.

На денешното објавување на промената на сопственоста на Охридска банка, соопштија дека Штаермаркише банка и Шпаркасен АГ се стекнаа со 91,57 отсто од акциите. Откупени се 71 отсто акции на Сосиете женерал и останатите од малцински акционери. Акциите се купени за 48 милиони евра.

Во наредниот период ќе следи реорганизација, која треба да заврши во април 2021 година, а првите поволности за клиентите на двете банки ги најавуваат од 1 јануари 2020 година за користење на банкоматите и подигнување средства без провизија, како во земјава, така и во земјите од регионот каде е пристуна групацијата.

Спојувањето на двете банки во Македонија во една групација, како што рече на прес-конференција, Георг Бухер член на УО на Штаермаркише шпаркас, нема да значи во моментов отпуштање на вработени во двете банки во земјава.

– Целта ни е да растеме. Во овој момент ни се потребни сите луѓе, но може да дојде момент кога треба да се борат за работно место. Спојувањето ќе биде во април 2021 година, рече Бухер.

Штаермаркише Шпаркасе е пристуна во земјава од 2008 година, а Герхард Фабиш, претседателот на УО на банката, оцени дека тие се сериозен инвеститор кој има за цел да остане и дека ги поддржуваат земјите од Западен Балкан.

– Веруваме во државите од Западен Балкан. Порано или подоцна тие треба да бидат дел од ЕУ и затоа ги поддржуваме да влезат во ЕУ. Влезот во ЕУ на овие држави ќе биде логичка последица и тоа ќе се случи порано или подоцна, рече Бухер, додавајќи дека немало влијание на нивната одлука процесот што земјава го води за добивање датум за преговори во ЕУ, но оти позитивно е влијанието од ратификацијата на протоколот за членство во НАТО.

Убедени се дека ќе формираат нова успешна банка и задоволни што усепале да го зголемат присуството на македонскиот пазар.

Според главниот извршен директор на Шпаркасе Македонија Глигор Бишев интегрираната банка ќе биде водечки финансиски супермаркет во регионот.

– Банката ќе биде препознатлива по нашиот хуман однос, одговорно однесување, инклузија на клиентите, како и професионални совети и вмрежување на клиентите во земјата и странство. Убеден сум дека ќе бидеме прв избор на банка за нашите клиенти и вработени, истакна Бишев.

Нина Неданоска, која е нов претседател на УО во Охридска банка потенцира дека ќе моделираат една нова, модерна помоќна Шпаркасе банка Македонија.

– Поминавме доста, а ни претстои и еден долг предизвикувачки период. Главниот фокус и понатаму останува грижата за нашите клиенти. Ќе моделираме една нова, модерна и помоќна Шпаркасе Банка Македонија. Државата ќе ја добие четвртата најголема банка, со пазарно учество од 14 отсто. Оваа банка ќе донесе бројни бенефити за клиентите, ќе отвори нови перспективи во економијата и ќе овозможи подигање на нивото на целиот банкарски сектор, рече Неданоска.

Двете банки, Охридска банка АД Скопје и Шпаркасе Банка Македонија, сега ќе опслужуваат повеќе од 132.000 клиенти во земјата. Шпаркасе банка Македонија има актива од околу 350 милиони евра, а со приклучувањето на Охридска банка во Штаермеркише Шпаркасе вкупната активна на банката на македонскиот пазар ќе биде повеќе од милијарда евра.

Бизнис

Протест и почеток на штрајк на вработените во прилепски „Еурокомпозит“

Шеесетината вработени во прилепската наменска фабрика „Еурокомпозит“ повторно се собраа на протест пред фабриката, прекинувајќи ја работата и барајќи си ги своите права. Тие велат дека сѐ уште не ги зеле сите плати за повеќе […]

Вести

Уставните судии утре на колегиум ќе дискутираат за иницијативата по членот 353, став 5 од КЗ

Претседателот на Уставниот суд Сали Мурати за утре закажал колегиум со судиите, на кој детално ќе дискутираат по иницијативата за членот 353, став 5 од Кривичниот законик, а која се однесува за злоупотреба на службената […]

Бизнис

Бензините поевтинуваат половина денар

Бензините поевтинуваат половина денар од ноќеска на полноќ, а кај  дизелот нема промена на цената, одлучи денеска Регулаторната комисија за енергетика (РКЕ). Новата цена на Еуросупер БС 95 ќе изнесува 68 денари за литар, Еуросупер […]