„Рено“ пријави загуба за 2019 година, прва во повеќе од една деценија



– Компанијата Рено денеска соопшти дека во 2019 година ја забележала својата прва загуба за повеќе од една деценија и дека ја намалила целна маржа за 2020 година.

Францускиот производител на автомобили, кој е во сојуз со јапонскиот Нисан, пријави загуба од 141 милиони евра како свој удел во финансискиот резултат на групата, делумно поради расходите поврзани со некои негови кинески мешовити фирми, но и скандалот околу Карлос Госно, поранешниот шеф на Рено-Нисан, кој избега од Јапонија, каде што го чекаше судењето под обвинение за финансиска малверзација.

Нисан, во кој Рено има 43 проценти удел, исто така, придонесе за целокупниот негативен резултат, откако неделава извести за својата прва квартална загуба во речиси десет години и ја намали прогнозата за оперативната добивка.

Вкупната продажба на возила од групата на Рено минатата година падна за 3,3 проценти на 55,53 милијарди евра.

Компанијата ја намали целната оперативна маржа за 2020 година на ниво меѓу 3,0 и 4,0 проценти во однос на минатогодишните 4,8 проценти, и го намали предложениот износ на дивиденда за 2019 година за речиси 70 проценти од претходната година.

Акциите на Рено утрово на Париската берза паднаа за 4,3 проценти.

Рено за годинава предвидува пад на глобалниот пазар на автомобили и намалување на неговата продажба во Европа и Русија за околу 3,0 проценти.


Научниците се уште не се согласни дали е можна инфекција со Ковид-19 од воздух - МИА
Вести

Преглед на состојбата со Ковид-19 во светот

Според најновите податоци, во светот со новиот коронавирус до сега се заразени 33.385.696 лица. Од последици од Ковид-19 починале 1.003.405 пациенти, а оздравеле 24.688.610 луѓе. – Во изминатите 24 часа во Косово се забележани три […]

Гордана Јанкуловска упатена во КПУ-Идризово за случајот „Тенк” - МИА
Вести

Гордана Јанкуловска упатена во КПУ-Идризово за случајот „Тенк”

Скопје, 28 септември 2020 () – Поранешната министерка за внатрешни работи, Гордана Јанкуловска, е упатена во КПУ – Идризово, за издржување на казната затвор од четири години како осудена во предметот „Тенк”, потврдуват за од […]

Вести

Адвокатите бараат ослободителна пресуда за Јанакиески за „Насилство во Центар“

– Адвокатите на поранешниот министер за транспорт и врски, Миле Јанакиески денеска во завршни зборови за предметот „Насилство во Центар“ побараа тој да биде ослободен од обвинение. Адвокат Димитар Дангов побара Обвинителството да го повлече […]