Регулаторните поштенски тела дебатираат за предизвиците од промените во поштенската индустрија

Сите учесници во поштенскиот сектор имаат високи очекувања од регулаторните тела од кои се бара одговор за сите проблеми со оглед на рапидниот развој и темпото со кое се одвиваат промените во поштенската индустрија создавајќи огромни предизвици, порача директорката на Агенцијата за пошти Билјана Аврамовска Ѓореска на отворањето на 54. пленарен состанок на Европскиот комитет за поштенска регулација ЦЕРП, што се одржува од денеска во Скопје.

Аврамовска Ѓореска потенцираше дека за успешно справувањео со предизвиците пред кои се исправени регуалторните тела е неопходна поинтензивна соработка како помеѓу нив, така и меѓу сите учесници на пазарот со цел задоволување на современите потреби за интегрирани и брзи системи на комуникација и ефикасна достава на пратки на новите урбани корисници.

-Ефикасните услуги за достава се еден од факторите кои го детерминираат успехот на динамичниот развој на пазарите на електронска трговија и деловниот успех на компаниите во тој сегмент, така што од регулаторната рамка и од одлуките на регулаторните тела се повеќе зависи целокупната деловна клима и опсегот на деловните можности за компаниите, рече Аврамовска Ѓореска.

Состанокот на ЦЕРП, како што оцени, се одржува во исклучителен момент за државава со оглед на тековниот проект со ЕУ за успешно транспонирање и примена на одредбите на Третата поштенска директива во домашното национално законодавство и очекуваното почнување на преговорите за полноправно членство во ЕУ.

Пред две недели ЕК го објави Извештајот  за државава препорачувајќи отворање преговори за членство, а во делот на поштенскиот сектор продолжување на усвојувањето на националната легислатива и заокружување на либерализацијата на поштенскиот пазар, наведе Никола Бертолини, раководител на Секторот за соработка во Делегацијата на ЕУ во Скопје.

Бертолини, меѓу останатото, укажа дека со создавање единствен и целосно либерализиран европски пазар ќе се овозможат придобивки и за потрошувачите  и за бизнисот со повеќе можности, поголем избор и пониски цени.

На пленарниот состанок на Европскиот комитет за поштенска регулација, чиј домаќин е Агенцијата за пошти  се дебатира за најновите предизвици на Светскиот поштенски сојуз и поштенската регулатива на ЕУ која има цел создавање единствен поштенски пазар, како и за поштенската техничка соработка меѓу европските држави.

Улогата на Европскиот комитет за поштенска регулација e да ги проучува регулаторните прашања во европски контекст земајќи ги предвид разликите помеѓу регулаторниот и оперативниот аспект во поштенскиот сектор, да го оцени влијанието на меѓународните регулаторни политики во сите земји од ЦЕРП – Европската конференција на поштенски и телекомуникациски администрации и да се воспостават потребните контакти со Европската Унија.


Вести

Собранието ги разреши Тевдовски, Фазлиу и Лика

Собранието вечерва ги разреши од функцијата министерот за финансии Драган Тевдовски, министерот за локална самоуправа Сухејл Фазлиу и министерот без ресор задолжен за спроведување на Рамковниот договор Хазби Лика. Министрите беа разрешени со мнозинство гласови. […]

Вести

Вкупно 12 повредени при експлозија на гас во станбена зграда во Виена (ДПЛ)

Вкупно 12 лица се повредени попладнево при експлозија на гас во една петкатна станбена зграда во австрискиот главен град Виена, соопшти вечерва локалната полиција. По експлозијата се урнал дел од зградата, поради што останатите станари […]

Вести

Финансиска полиција: Акцијата во Љуботен наменета против нелегалниот увоз на тутун

Управата за финансиска полиција денеска преку соопштение информира дека вчерашната акција спроведена во селата Љуботен, Сингелиќ, Визбегово и Арачиново била наменета против нелегалниот увоз, производство и трговија со недозволената сорта тутун „вирџинија“, а не била […]