Пасиштата имаат потенцијал да станат дел од алтернативниот туризам


 Примена на мерки за подобрување на состојбата со деградираните пасишта во неколкуте пилот-пасишта Лера, Улазна и Дуфска Планина, Врбенско брдо, поставување боксови за молзење за овци и фотоволтаични панели, како и чистење на смреките и дрвенастите грмушки, се дел од резултатите од проектот „Заштита на биодиверзитетот на пасиштата на Шар Планина“, што беа презентиран и денеска.

-Преку овој проект се овозможува помош и поддршка во процесот на брендирање и идентификување на локалните производи на Шар Планина како овчо сирење, јагнешко месо, пастрмка и волна, информира Александра Каракашова Сачкарска, претставник на проектот којшто во изминатите 18 месеци го спроведе Милиеуконтакт Македонија во партнерство со Здружението на агроекономисти и Јавното претпријатие за стопанисување со пасишта.

Кашкарова Сачкарска информираше дека е овозможено значителна поддршка во однос на правење  на визуелна идентификација – лого, предлог пакување на производите и упатство како да ги брендираат и заштитат согласно со Законот за квалитетни земјоделски производи.

Во однос на економскиот развој, посочи таа, биле изработени анализи на клучни чинители, засегнати страни, можности за развој, капацитети, вмрежување, стратешки документи за развој на еко и агро туризам, маркетинг стратегии.

– Овие подрачја имаат потенцијал и со добра организација и поддршка од надлежните  институции во иднина може да бидат развиени и да нудат туристички услуги во некои од алтернативните видови на туризам: рурален, еко и агро туризам, со посета на бачила, со нудење дегустација на сирење, месо, запознавање на процесот со одгледување на овци, правење на сирење и слично. Но, за тоа треба да се работи многу, рече Каракашова Сачкарска.

Љуљзим Фејзулаи, директор на Јавното претпријатие за стопанисување со пасишта истакна дека благодарени на проектот се направени четири бачила или пасишта.

– Имаше неколку придобивки од ова: од социјален карактер се интервенираше во пасишта каде што има млади фармери и да се помогнат да опстанат на пасиштата, бидејќи знаеме дека условите се малку потешки зашто намема електрична енергија, немаме патишта, кога нема овци и стока тие пасишта се деградираат. Оваа помош е добредојдена за тие да опстанат на пасиштата, да имаат свој економски бенефит самите фермери, а додека ние како јавно претпријатие проектот го земаме како модел и веќе сме во процес да го мултиплицираме во другите делови на пасишта, а не само во Шар Планина, рече Фејзулаи.

Тој истакна дека нивна интенција е со овие пилот-проекти со помош од Владата, Министерството за земјоделство и ЈП за пасишта да инвестираат за да се врати, како што рече, старата слава на овчарството, а со тоа и старата слава на шарското јагне, бидејќи неговиот извоз за Италија и носи големи девизни приливи на државата.


Потврдени 120 нови случаи со Ковид 19, оздравени 16, починати двајца пациенти - МИА
Вести

Вкупно 180 нови случаи на КОВИД-19, двајца починати, најмногу заболени во Скопје

Скопје, 5 јуни 2020 () – Вкупно 180 нови случаи позитивни на КОВИД -19 се евидентирани во изминатите 24 часа, објави Министерството за здравство. Починати се двајца пациенти – едниот на возраст од 52 години […]

Во штипската текстилна конфекција се зголемува бројот на заразени работници - МИА
Вести

Потврдени 177 нови случаи на заболени со Ковид-19

– Во изминатото деноноќие во нашата земја се извршени 1.245 тестирања за Ковид-19, потврдени се нови 177 позитивни случаи. Од Институтот за јавно здравје за МИА информираа дека најмногу позитивни случаи од коронавирус се регистрирани […]

ССМ: Да ја спречиме злоупотребата на финансиска помош за работниците погодени од здравствено-економската криза - МИА
Вести

ССМ: Да ја спречиме злоупотребата на финансиска помош за работниците погодени од здравствено-економската криза

Скопје, 5 јуни 2020 () – Од Сојузот на синдикати на Македонија (ССМ) соопштија дека до нив биле упатени низа поплаки кои укажуваат дека некои од компаниите кои се корисници на финансиска помош од државата […]