Општина Гостивар побара од компаниите да се солидаризираат и да доставуваат пакети со продукти до гостиварскиот Црвен Крст


Општина Гостивар побара од компаниите да се солидаризираат и да доставуваат пакети со продукти до гостиварскиот Црвен Крст - МИА

Гостивар, 7 април 2020 () – Прехранбени продукти, хигиенски препрати, заштитни средства и електронска опрема во моментов им се потребни на социјално загрозените семејства и медицинските лица во Гостивар, беше кажано на состанокот на двасетина локални бизнисмени и Координативниот совет за дистрибуција на помош во салата на Советот на општината.

– Заинтересираните компании можат да купат продукти и да подготват пакети со храна за возрасни, бебиња, со хигиенска опрема и слични производи во вредност од 20 евра. Тоа би ги задоволило основните потреби на четиричлено семејство за две недели. Пакетите треба да се достават во Црвениот крст каде веќе има список на лица на кои оваа помош им е непоходна, рече Арбен Таравари градоначалник на општина Гостивар.

Тој напомена дека добредојдена би била и помош во раквици, маски и скафандери за гостиварската болница.

Како проблем од општинскиот сектор за образование го истакнаа недостигот од соодветна опрема за следење на „он лајн“ наставата.

– Од направените анализи и податоци што се доставени до нас, околу 900 ученици во средните и основните училишта немаат можност да ја следат наставата. Тие потекнуваат од сиромашни семејства и немаат соодветен уред како, лап топ, таблет, компјутер или паметен телефон преку кој би се поврзале, рече Аслијан Снопче одговорна за образование во општина Гостивар.

Од Координативниот совет за дистрибуција на помош беше кажано дека компаниите треба сами да ги купат производите и да ги достават во седиштето на Црвениот Крст или во општата болница.

– За да бидеме поефикасни, ќе ја дистрибуираме и спецификацијата за содржината на пакетите што ја направија од Црвениот крст. На овој начин ќе се набават неопходните работи и донациите ќе ја постигнат целта. Засега има потреба од набавка на производи за подготовка на три вида семејни пакети: за прехрана, хигиена и бебешки пакети. На тој начин загорезените нема да излегуваат и на тој начин да се изложат на ризик и себе и другите, рече Љуљзим Хазири координатор на Советот за дистрибуција на помош.

Од локалната самоуправа, најавија дека вакви средби ќе има и во наредниве денови, за, како што беше кажано, да се поттикне хуманоста и на најдобар начин да се искористат донациите.


Вести

ОМД ја поздравува одлуката против Бугарија во спорот со македонското малцинство во ЕСЧП

Обединетата Македонска Дијаспора (ОМД) ги поздравува позитивните решенија на Европскиот Суд на Човекови права во Стразбур, поднесени против Бугарија поради кршењето на Член 11 (слобода на собирање и организирање) од Конвенцијата за заштита на човекови […]

Советот за безбедност утре ќе одлучува за евентуално продолжување на вонредната состојба - МИА
Вести

Советот за безбедност утре ќе одлучува за евентуално продолжување на вонредната состојба

Скопје, 29 мај 2020 () – Советот за безбедност утре на пладне ќе одржи седница во Кабинетот на претседателот „Вила Водно“, на која ќе се одлучува за евентуалното продолжување на вонредната состојба. На седницата, покрај […]

Од 29 заболени со коронавирус во тетовскиот регион, 16 се од Тетово   - МИА
Вести

Нови 52 случаи на КОВИД -19, четворица починати и 30 оздравени

Скопје, 29 мај 2020 () – Министерството за здравство информира дека во изминатите 24 часа се регистрирани 52 нови лица позитивни на коронавирусот и 30 оздравени пациенти. Во овој период починале четири лица, две на […]