Од Скопје до Приштина за 45 минути по новиот автопат што почнува да се гради годинава

Следниот месец ќе биде објавен тендер за изградба на првата делница од автопатот Скопје-Блаце, а градежните работи се очекува да стартуваат во вториот квартал годинава, објавија денеска на прес-конференција вицепремиерот за европски прашања Бујар Османи, министерот за транспорт Горан Сугарески и директорот на ЈП за државни патишта, Зоран Китанов.

Со изградбата на автопатот во должина од 12,5 километри и инвестициска вредност од 110 милиони евра, се очекува патувањето меѓу Приштина и Скопје да се скрати од два часа на 45 минути.

Вицепремиерот Османи истакна дека станува збор за стратешки проект за Македонија  и оти Косово е најевтиниот и најсоодветниот извозен пазар за државава.

-Годишната трговска размена со Косово е околу половина милијарда евра при што Македонија има значителен суфицит. Затоа е многу важно да имаме автопат за да може нашите трговци да испорачуваат стока во Косово, рече Османи дополнувајќи дека проектот е важно регионално значење како дел од агендата за поврзување во рамки на Берлинскиот процес.

За првата делница од 1,9 километри до 20-ти месецов треба да заврши целосното проектирање, по што ќе следи објавување тендер. Тој дел од автопатот треба да биде завршен до крајот на следната година. Паралелно со активностите за првата фаза ќе се работи на препроектирање на втората фаза од клучка Блаце до клучката Стенковец во Скопје во должина од 10,5 километри. За неа е предвидено да се објави тендер во првиот квартал следната година, по што во вториот квартал би почнале и градежните работи. Целосната изградба на делницата се очекува да биде завршена кон средината на 2023 година.

Како што појасни министерот Сугарески се врши препроектирање на целата делница поради проблемите со кои се соочиле долж целата траса во делот на експропријација на земјиштето и кај основниот проект за изградба. Утврдено е дека треба да се изврши препроектирање заради потребата од изместување на делови на трасата од основниот проект. На предвидената траса со стариот проект има индустриски капацитети и новоформирани гробишта.

Проектот за тунелот, информриаше Сугарески, не ги исполнува тековните меѓународни стандарди за вентилација и системи за заштита од пожар и евакуција и потребно е препроектирање. Воедно не се извршени детални геотехнички  истражувања. Консултантите препорачале тоа да се направи во рамки на новиот проект со оглед на топографијата и бројот на тунели и објекти на автопатот.

-Ова се предизвици кои годинава ќе се надминат. Првата фаза ќе ја започнеме оваа година, а втората фаза во 2020, посочи Сугарески наведувајќи дека станува збор за проект со регионално значење.

Директорот на ЈП за државни патишта Зоран Китанов појасни дека првата делница е издвоена како посебна функционална целина која може да се реализира побрзо, бидејќи теренот не е тежок за изведба, нема тунели и е во непосредна близина на ГП Блаце и Царинскиот терминал. Втората делница од клучката Блаце до клучката Стенковец кај Скопје е потешка за проектирање и изведба. На неа се предвидени четири тунели во должина од околу 4 километри, осум мостови, како и други објекти на патот во должина од 1,2 километра и други објекти, информира Китанов, посочувајќи дека како и на останатите автопати и овој ќе има патарини.

Изработката на проектите и препроектирањето се финансира со грант од ВБИФ инструментот на Европската унија. Овој проект е меѓу стратешките опфатени со единствената секторска листа на проекти на Владата и Нацоналниот комитет за инвестиции. Инвестициите за првата делница изнесуваат околу 10 милиони евра и се обезбедени од Буџетот на ЈП за државни патишта. Од проектираните 110 милиони евра за реализација на проектот 73 милиони евра ќе се обезбедат преку заем од ЕБОР за кои се очекува да биде потпишан договор до крајот на годинава. Дваесет и седум милиони евра треба да се обезбедат преку грант од ВБИФ за што е поднесена апликација уште во ноември лани. Автопатот Скопје-Блаце треба да има две коловозни ленти со по две сообраќајни ленти за возење со широчина од 3,5 метри и по една лента за застанување од 2,5 метри. Вкупната проектирана широчина на автопатот е 27,5 метри. На целата автопатска делница се предвидени две клучки, кај Блаце и кај Стенковец.

Како што рече Османи во одговор на новинарско прашање, името на новиот автопат се уште не е утврдено, а во неформалните разговори со лидерот на ДУИ, Али Ахмети било наведено името Арбен Џафери како што е именуван патот во Косово. За ова прашање,  најави Османи, дополнително ќе се разговара во Владата.

За постојниот државен пат А4 Блаце -Сккопје се подготвува проект за рехабилитација и според најавите ЈП за државни патишта следната година ќе изврши целосна рехабилитација. Во иднина тој пат ќе остане да функционира како алтернативен на новото автопатско решение.

Вести

Ново привремено затворање на патот Качаник – граница со Македонија

Министерството за инфраструктура на Косово информира дека поради изведување градежни работи на автопатот Приштина – Скопје, привремено ќе биде затворен регионалниот пат Качаник – Генерал Јанковиќ, односно до преминот Блаце на границата со Македонија, јави […]

Балкан

Турски воени авиони го пресретнале хеликоптерот со кој патувал Ципрас

За време на патувањето на премиерот на Грција, Алексис Ципрас кон островот Агатониси, што се наоѓа во близина на Турција, по повод грчкиот национален празник, турски воени авиони го нарушиле грчкиот воздушен простор и го […]

Вести

Утврден редоследот на кандидатите за градоначалник на Охрид, Ново Село и Дебар

Партиите кои поднесоа кандидатури за предвремени избори за градоначалници на Охрид, Ново Село и Дебар, денеска во ДИК со жрепка ги добија редните броеви под кои ќе се најдат нивните кандидати на гласачкото ливче. Предвремените […]

Вести

Смартфон кој издржува 50 дена со едно полнење (видео)

Новиот паметен телефон на релативно непознатата компанија Авенир телеком, може да издржи и 50 дена со едно полнење, а се вика „Енерџајзер пауер макс П18-К“. Уредот има бaтepијa oд 18.000 милиампер-часови што му го дозволува тоa, […]

Вести

Неофит: Ќе направиме се за целосна радост на нашите македонски браќа

Бугарската православна црква ќе продолжи да помага за решавање на статусот на македонската црква, најави денеска бугарскиот патријарх Неофит. – Важно беше да се утврди името на државата и верувам дека постепено ќе одиме кон […]

Вести

Продолжува судењето за „Титаник“ на СЈО

Во Кривичниот суд во Скопје денеска треба да продолжи судењето за случајот „Титаник“ на Специјалното јавно обвинителство во врска со изборни нерегуларности. Претседател на судечки совет е судијата Осман Шабани, а застапник на обвинението е […]

Интересно

Џенифер Лопез и Алекс Родригез во реклама за очила за сонце

Новопечените свршеници Џенифер Лопез и Алекс Родригез се поврзаа и во модниот свет, за новата кампања за очила за сонце на брендот Квеј Австралија. – Квеј Австралија е еден од моите омилени брендови откако ги […]

Интересно

Безжичните слушалки на Епл може да предизвикаат рак

Безжичните слушалки Ерподс на Епл, како и другите безжични додатоци на паметните уреди, може да предизвикаат рак, сметаат стручните лица од Универзитетот Беркли. Според д-р Џоел Московиц, тие технолошки уреди „комуницираат меѓу себе користејќи поле за […]

Вести

Смартфон кој издржува 50 дена со едно полнење (видео)

Новиот паметен телефон на релативно непознатата компанија Авенир телеком, може да издржи и 50 дена со едно полнење, а се вика „Енерџајзер пауер макс П18-К“. Уредот има бaтepијa oд 18.000 милиампер-часови што му го дозволува тоa, […]

Be the first to comment

Leave a Reply

Your email address will not be published.


*