Народна банка објави повик за пријавување трудови за 45. сесија на Клубот на истражувачите

klub-na-istrazuvaci

Народната банка објави повик за пријавување трудови за 45. сесија на Клубот на истражувачите, што ќе се одржи на 23 декември 2022 година (петок), со почеток во 14 часот, во просториите на Народната банка.

Заинтересираните истражувачи може да се пријават со доставување на материјалот на е-адресата: info@nbrm.mk, најдоцна до 14 декември (среда). 

Од Народната банка информираат дека трудовите треба да бидат изработени согласно со трендовите и стандардите на современите истражувања, што подразбира емпириска анализа, како и систематизирани заклучоци од истражувањето. 

– На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија, се наведува во соопштението. 

Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата. Зачленувањето во Клубот на истражувачите е од отворен карактер.

Facebook
Twitter
LinkedIn