Индија го стопира увозот на нафта од Венецуела


Индискиот конгломерат „Рилајнс индустрис“ (Reliance Industries), во чија сопственост е најголемата рафинерија во светот, соопшти дека прекинува да купува нафта од Венецуела под притисок на САД и меѓународните санкции.

Одлуката на „Рилајнс индустрис“ уследи откако американскиот државен секретар Мајк Помпео вчера изјави дека Индија треба да го прекине увозот на нафта од Венецуела со цел да се изврши притисок врз претседателот Николас Мадуро.

– Нашата филијала во САД целосно ги прекина своите деловни односи со националната нафтена компанија на Венецуела ПДВСА, а матичната компанија не го зголеми увозот на суровини, се наведува во соопштението на „Рилајнс индустрис“.

Индиската Влада вчера ги предупреди нафтените компании дека ќе сносат последици ако продолжат да тргуваат со Венецуела.

Индија во февруари стана еден од најголемите увозници на нафта од Венецуела откако американскиот претседател Доналд Трамп воведе вето на увозот на венецуелска нафта.

Во меѓувреме, Венецуела денеска го стопира извозот на нафта за Куба со цел да се намали хуманитарната криза во земјата. Привремениот претседател на Венецуела, Хуан Гуаидо истакна дека секојдневно се извезувале по 47.000 барели нафта во вредност од 2.585.000 долари за Куба.

Со години дозволувавме да се мешаме на Куба со оправдание дека сме братски земји по идеологија. Со тоа едноставно и ја подарувавме нашата нафта, напиша Гуидо на Твитер.

Досега Венецуела беше основниот енергетски снабдувач на Куба. Поради прекинатата достава, Хавана ќе треба брзо да побара други трговски партнери за да избегне недостиг на гориво.


Комисијата за заразни болести треба да одлучува за олабавување на мерките и отворање на економијата - МИА
Вести

Нови 125 случаи позитивни на КОВИД 19 во изминатите 24 часа

Скопје, 6 јуни 2020 () – Нови 125 случаи на новозаболени од КОВИД -19 регистрира Министерството за здравство во изминатите 24 часа. Најголем број повторно се во Скопје -46 по што следуваат Куманово со 19, […]

Втор ден карантин за Скопје, Куманово, Штип и Тетово - МИА
Вести

Втор ден карантин за Скопје, Куманово, Штип и Тетово

Скопје, 6 јуни 2020 () – За граѓаните на сите општини во градот Скопје, околните скопски општини Арачиново, Зелениково, Илинден, Петровец и Студеничани, во Куманово, Липково, Штип, Карбинци, Тетово, како и Боговиње, Брвеница, Теарце, Желино […]

Во шест градови во земјава нема повеќе активни случаи на Ковид-19 - МИА
Вести

Активни 1.009 случаи на заболени од Ковид-19, 90 отсто од новозаболените се од 15 фамилии

Скопје, 6 јуни 2020 () – Во земјава вчера беа потврдени 180 нови случаи на позитивни од Ковид-19, што е најголем број од почетокот на епидемијата досега, но министерот за здравство Венко Филипче информираше дека […]