Фондот за Западен Балкан додели грантови за 24 проекти

Секретаријатот на Фондот за Западен Балкан во Тирана ја одржа дводневната партнерска работилница и церемонијата за доделување на грантови од 24-те победнички проекти од вториот повик на ВБФ. На настанот присуствуваа високи претставници од министерства за надворешни работи на шесте земји од Западен Балкан, претставници на дипломатските мисии, невладини организации, партнери и соработници.

Директорот на Фондот за Западен Балкан, Ѓерѓ Мура рече дека 24-те победнички проекти создаваат повеќе од 85 партнерства во целиот регион.

-Проектите создаваат над 85 партнерства во целиот регион и здружуваат над 5.000  луѓе.  Направени се конкретни активности од мисијата и ја носат нашата политичка волја за подобрување на соработката и врските меѓу луѓето, рече тој.

Според директорката за стратешки политички прашања при Министерството за Европа и надворешни работи Мимоза Халими, средбата е знак за конкретно работење и соработка во регионот.

-Перспективата на односите на добрососедство меѓу земјите од регионот мора да биде охрабрена за да се постигне долгорочна стабилност и напредок во нашиот регион, како и да се забрза нашето патување кон ЕУ, рече таа.

Словачкиот амбасадор во Албанија, Петар Списиак, во своето излагање ја истакна улогата на Фондот кон европските амбиции.

-Регионот Западен Балкан отсекогаш играл клучна улога во обликувањето на европската безбедност и стабилност. На регионот му треба политичка помош и проекти како поддршка за своите европски амбиции. Ова ќе придонесе за зајакнување на граѓанското општество во регионот и ќе ги олесни контактите меѓу луѓето, рече амбасадорот.

За извршен директорот на Институтот за општествени договори Олта Цета, гостин на настанот на ВБФ, е одлична можност за соработка во заеднички регионални проекти.

-ВБФ е одлична можност за поврзување на луѓето и отстранување на бариерите во обид за градење мостови и поврзување на луѓето меѓу себе, вели таа.

Амбасадорот на Северна Македонија во Тирана, Данчо Марковски, рече дека добрососедството е најдобриот пример за европските вредности.

-Зајакнување и подобрување на регионалната соработка е јасно барање за земјите од Западен Балкан на патот кон ЕУ, рече тој.

Според Сања Тошиќ (Клуб за напредување на младите) младите луѓе носат голем потенцијал на промени и регионот инвестира во таа насока.

-Нашата цел е да ги поттикне младите луѓе на различни нивоа, теми и методи. Ние како организација силно веруваме во младите, бидејќи тие се оние кои можат и ќе бидат сериозна промена во нашиот регион, вели таа.

Фондот за Западен Балкан е меѓувладина иницијатива, основана од страна на Албанија, Босна и Херцеговина, Косово, Македонија, Црна Гора и Србија. Ова е прва регионална иницијатива со седиште во Тирана. Главната цел на проектите е промоција на заедничките вредности  меѓу граѓаните, граѓанското општество и институциите во регионот, јакнењето на соработката и контактите меѓу луѓето во Западен Балкан.


Вести

Собранието ги разреши Тевдовски, Фазлиу и Лика

Собранието вечерва ги разреши од функцијата министерот за финансии Драган Тевдовски, министерот за локална самоуправа Сухејл Фазлиу и министерот без ресор задолжен за спроведување на Рамковниот договор Хазби Лика. Министрите беа разрешени со мнозинство гласови. […]

Вести

Вкупно 12 повредени при експлозија на гас во станбена зграда во Виена (ДПЛ)

Вкупно 12 лица се повредени попладнево при експлозија на гас во една петкатна станбена зграда во австрискиот главен град Виена, соопшти вечерва локалната полиција. По експлозијата се урнал дел од зградата, поради што останатите станари […]

Вести

Финансиска полиција: Акцијата во Љуботен наменета против нелегалниот увоз на тутун

Управата за финансиска полиција денеска преку соопштение информира дека вчерашната акција спроведена во селата Љуботен, Сингелиќ, Визбегово и Арачиново била наменета против нелегалниот увоз, производство и трговија со недозволената сорта тутун „вирџинија“, а не била […]