ЕУ: Над милијарда патници во воздушниот сообраќај во 2017 година

Во 2017 година со авион во Европа патувале 1.043 милијарди патници, што е за 71 милион или седум отсто повеќе отколку во 2016 година, соопшти денеска Канцеларијата за статистика Евростат.

Речиси половината, односно 47 проценти од патничкиот воздушен сообраќај во 2017 година отпаѓа на патувања во рамки на ЕУ, 37 отсто надвор од Унијата, а 17 проценти се однесуваат на националниот воздушен промет.

Најголем број патници во воздухопловниот сообраќај во ЕУ во 2017 година забележан е во Велика Британија и тоа 265 милиони патници, по што следува германија со 212 милиони и Шпанија со 210 милиони патници.

Бројот на патници се зголеми во сите земји-членки на ЕУ во споредба со 2016 година, при што најголемо зголемување се забележува во Словенија – за 20 отсто, по што следат Луксембург, Естонија, Бугарија и Чешка со раст од 19 отсто и Романија, Хрватска и Малта со 18 проценти.

Лондонскиот аеродром Хитроу, од кој патувале 78 милиони патници, и во 2017 година го задржа статусот на најпрометен аеродром во ЕУ. По него следува парискиот аеродром шарл де Гол со 69 милиони патници, а на трето место е аеродромот во Амстердам Схипхол со 52 милиони патници.


Вести

Ратификуван Договорот за реципрочно признавање на возачките дозволи со Косово

Собранието денеска го изгласа Законот за ратификација на Договорот со Владата на Косово за реципрочно признавање на возачките дозволи и ја констатираше оставката на Горан Трајковски од функцијата директор на Дирекцијата за заштита на лични […]

Вести

ЗНМ: Да се повлече обвинението против Кежаровски

Здружението на новинарите на Македонија (ЗНМ) денеска на прес-конференција побара од Основното јавно обвинителство да го повлече, а од Кривичниот суд да го отфрли обвинението против новинарот Томислав Кежаровски. Претседателот на ЗНМ Младен Чадиковски соопшти […]

Вести

Средба Пендаровски – Џафери во Вила Водно

Претседателот на Република Северна Македонија, Стево Пендаровски, денеска ќе има средба со претседателот на Собранието, Талат Џафери. Средбата ќе се одржи во Вила Водно, соопштија од кабинетот на претседателот. Ова е нивна прва официјална средба […]