Бислимовски: Обезбедивме вин-вин ситуација за исклучените и за приклучените на системот за топлинска енергија

Начинот на исклучување на потрошувачите од системот за топлинска енергија во Скопје е преземен од европските  директиви кои се однесуваат на обновливите извори и енергетската ефикасност. Ние не забрануваме потрошувачите да се исклучат, но треба да покажат дека ќе обезбедат енергетски поефикасен начин на греење за разлика од топлинската енергија, порача денеска претседателот на Регулаторната комисија за енергетика (РКЕ) Марко Бислимовски.

-Не можеме да дозволиме потрошувачите да се исклучуваат од системот за топлинска енергија и да почнат да се греат на струја, бидејќи електродистрибутивната мрежа во Град Скопје не е подготвена да издржи толкав товар од потрошувачи кои би се грееле на струја. Сите мерки кои ги презедовме и ќе ги преземаме во иднина се за да го задржиме системот за дистрибуција на топлинска енергија и да обезбедиме што е можно повеќе потрошувачи да се приклучуваат. При тоа, водиме сметка и за оние потрошувачи кои останаа верни на системот, рече Бислимовски во одговор на новинарско прашање на паузата на Генералното собрание и состаноците на Комитетот за цени и тарифи и Комитетот за лиценцирање и конкурентност на Регионалната асоцијација на енергетските регулатори (ЕРРА) што денеска и утре се одржуваат во Скопје.

Тој посочи дека РКЕ потегна иницијатива пред Владата да добијат соодветна награда потрошувачите кои останаа верни на системот за топлинска енергија во Град Скопје.

-Верувам дека во наредниот период тоа ќе се реши. Имаме вин-вин ситуација. Констатиравме фактичка состојба дека исклучените од системот нема потреба да плаќаат, бидејќи не добивале никаква услуга и тоа го внесовме во закон, а од друга страна за приклучените потрошувачи покрај иницијативата што ја поднесовме до Владата ќе изготвиме целосно нов тарифен систем, кој на нивно барање, ќе биде многу поедноставен и поразбирлив, потенцира Бислимовски.


Вести

Демократски дебати неделава во САД – прва предигра за изборите во 2020 година

Пред милиони Американци неделава на првите демократски дебати ќе се појават на едно место речиси дваесетмина кандидати во трка за номинирање претстедателски кандидат од Демократската партија на изборите следната година. Иако застапуваат различна идеологија – […]

Вести

Прифатено барањето на Јанкулоска за одложување на затворската казна за „Тенк“

На поранешната министерка за внатрешни работи Гордана Јанкулоска и е прифатено барањето да и се одложи четиригодишната затворска казна за случајот „Тенк“. Како што соопшти денеска Основниот кривичен суд – Скопје, извршувањето на казната се одложува се […]

Вести

Заменик-министерот за образование Петар Атанасов поднесе оставка

Заменик-министерот за образование и наука Петар Атанасов на својот фејсбук-профил во отворено писмо до премиеот Зоран Заев и до јавноста соопшти дека поднесува оставка од функцијата. Како што вели, неговата позиција станува „неодржлива и неефективна“ […]