Ампева: Работниците да не потпишуваат празни листови или спогодбени откази


Работниците да не потпишуваат спогодбени откази, ниту пак празни листови. Првите вакви случаи ги забележавме во странските компнаии, но и во текстилните фабрики, алармираше денеска Кристина Ампева од НВО „Гласен Текстилец“-Штип.

Таа забележува дека ваквите измами и потпишувања на спогодбени откази за работниците ќе значи дека ќе немаат никаква правна помош, а работодавачите ќе можат да ја добијат државната помош, која е дел од мерките за коронавирусот.

Реагирано е и до Трудовиот инспекторат за работнички кои дознале дека се одјавени, откако отишле кај својот матичен лекар, кој им кажал дека немаат здравствено осигурување.

-Најголем дел од работниците не ни знале дека се одјавени, значи тие оделе на работа, а кога одат на доктор гледаат дека немаат здравствено осигурување и дека всушност се одјавени многу поодамна. Најмногу страдаат мајките на деца под 10 години и хронично болните. Такви примери имаме и во Штип, вели Ампева.

Таа побара Владата под итно да побара список од Агенцијата за вработување и да се виде точната бројка на вработени во реалниот сектор, а во оние фирми каде ќе се утврдат вакви неправилности да се избришат од листата за државна подршка како дел од мерките за справување со корона вирусот.

Дел од компаниите веќе ги испратија работниците на колективен одмор, но тоа не е и случај кај поголемиот дел од компаниите во Штип. Ампева забележува дека апелите на градоначалникот на Штип Благој Бочварски резултирале и превозниците ги дезинфецираат автобусите и комбињата. Во поголемиот дел од автобусите нема метеж, а работниците користат заштитни маски. Сепак од Гласен Текстилец сметаат дека е време сега да се даде вториот дел од годишниот одмор за минатата година, со цел Ковид 19 да не влезе во фабриките.


Вести

Договорот за добрососедство е основата за односите со Бугарија, порача власта, опозицијата бара од Заев став за Гоце Делчев и македонскиот јазик

– Историјата да им се остави на историчарите, а политиката на политичарите е повик, кој изминатите денови постојано се повторува од страна на државните функционери во земјава во однос на недоразбирањата кои настанаа на релација […]

Вести

Се пополнуваат болничките капацитети, Филипче најави зголемување на термините за тестирање

– Се пополнуваат болничките капацитетите за сместување на пациенти заболени од Ковид-19 во сите градови во земјава, а постепено се полни и модуларната болница во Скопје изминатите денови кога и кај нас и во Европа […]

Вести

Регистрирани 404 нови случаи на Ковид-19

Министерството за здравство информира дека во последните 24 часа се направени 1524 тестирања, а регистрирани се 404 нови случаи на Ковид-19 во: Скопје- 172, Куманово-15, Дебар-4, Штип-8, Прилеп-25, Тетово-41, Струга-4, Велес-6, Битола-4, Охрид-11, Кавадарци-5, Гостивар-20, […]