Адем Авзиу нов генерален директор на „ЕЛЕМ ТУРС“


– Нов генерален директор на „ЕЛЕМ ТУРС“ ДООЕЛ Скопје е Адем Авзиу, кој е поранешен државен секретар во Министерство за информатичко општество и администрација.



– Авзиу ја презема задачата во многу деликатен момент, кога целиот свет се соочува со пандемија од невидени размери и во време кога рекреативните спортски центри во земјата со кои стопанисува друштвото се пред сериозен предизвик. Очекуваме дека со својот квалитет и професионално искуство ќе постигне големи успеси и натамошен развој на компанијата и туристичките капацитети со кои стопанисува Друштвото, информираат денеска од компанијата.

Авзиу е дипломиран економист на Универзитетот во Југоисточна Европа, насока финансии и во моментот е на постдипломски студии на истиот Универзитет. Од декември 2019 година тој беше државен секретар во Министерството за информатичко општество и администрација. Од 2018 година е директор на секторот за човечки ресурси во Фондот за здравствено осигурување на Република Северна Македонија, а од декември 2013 година до септември 2018 година работел како советник на директорот на Фондот за здравствено осигурување. Од март 2011 година до декември 2013 година ја извршувал функцијата раководител на единицата на Министерството за економија во Државниот инспекторат за технички преглед. Авзиу, во периодот од јуни 2009 година до февруари 2011 година, работел на позицијата советник за патни исправи во Министерството за внатрешни работи – Тетово.