Вучиќ и Столтенбер разговараа за најавите за формирање косовска војска

Претседателот на Србија, Александар Вучиќ и генералниот секретар на НАТО, Јенс Столтенберг денеска во телефонски разговор се согласија дека зачувувањето на мирот и стабилноста е од најголем интерес за Србија и за целиот регион, соопштија од кабинетот на шефот на српската држава.

Како што јави дописникот на МИА од Белград, во соопштението се наведува дека српскиот претседателот му се заблагодарил на Столтенберг за констатацијата „дека не е време за формирање на косовската војска“, односно дека намерата на Косово „да ги трансформира своите безбедносни сили во војска доаѓа во погрешно време“.

Вучиќ во разговорот изразил загриженост поради намерата Приштина да формира војска и ги истакнал „опасностите што овој чекор ги носи за опстанокот на српскиот народ во Косово, безбедноста на Србија, како и за мирот и стабилноста во регионот“.

Двајцата соговорници се согласиле да останат во постојан и директен контакт, како и српската војска повторно да воспостави секојдневни контакти со силите на КФОР за размена на информации и следење на развојот на ситуацијата.

Генералниот секретар НАТО во разговорот му се заблагодарил на Вучиќ за „одличната организација“ на вежбата за давање итна помош, која со 900 учесници беше најголема вежба од ваков вид досега што се одржа во октомври во Србија.

Столтенберг, исто така, нагласил дека многу го цени „придонесот на Србија во мирот и стабилноста во регионот“.


Вести

Ратификуван Договорот за реципрочно признавање на возачките дозволи со Косово

Собранието денеска го изгласа Законот за ратификација на Договорот со Владата на Косово за реципрочно признавање на возачките дозволи и ја констатираше оставката на Горан Трајковски од функцијата директор на Дирекцијата за заштита на лични […]

Вести

ЗНМ: Да се повлече обвинението против Кежаровски

Здружението на новинарите на Македонија (ЗНМ) денеска на прес-конференција побара од Основното јавно обвинителство да го повлече, а од Кривичниот суд да го отфрли обвинението против новинарот Томислав Кежаровски. Претседателот на ЗНМ Младен Чадиковски соопшти […]

Вести

Средба Пендаровски – Џафери во Вила Водно

Претседателот на Република Северна Македонија, Стево Пендаровски, денеска ќе има средба со претседателот на Собранието, Талат Џафери. Средбата ќе се одржи во Вила Водно, соопштија од кабинетот на претседателот. Ова е нивна прва официјална средба […]