Велика Британија ќе го зголеми бројот на војници во меѓународната мировна мисија на Косово поради загриженоста за распоредувањето на српските војници на границата.

Министерството за одбрана во неделата објави дека ќе испрати дополнителни 200 војници за засилување на 400-члениот британски контингент кој е веќе во Косово, како дел од годишната вежба.

„Проширувањето на нашата поддршка за мировните сили на Косово (КФОР) ја нагласува нашата непоколеблива посветеност на НАТО алијансата и безбедноста на Западен Балкан“, изјави вчера началникот на Генералштабот на одбраната на ОК Тони Радакин.

Распоредувањето на нови сили доаѓа на барање на НАТО алијансата.

Тензиите дојдоа до врвот минатата недела кога беше убиен еден косовски полицааец и тројца српски напаѓачи.

Како одговор на овие настани, НАТО рече дека планира да ги зајакне мировните сили на КФОР на Косово.

Белата куќа во петокот соопшти дека Србија, исто така, спроведува „големо“ и „невидено“ воено распоредување – вклучувајќи артилерија, тенкови и војници – долж границата.