В недела локални избори во Хрватска


УНЦТАД: Јамајка, Тајланд и Хрватска со најголеми загуби во БДП поради туризмот - МИА

– Во Хрватска в недела ќе се одржат локални избори на кои најголемо внимание привлекува гласањето за градоначалници на Загреб, Сплит, Риека и Осиек.


 

Државната граница ќе биде отворена за сите со право на глас, и покрај пандемијата на коронавирусот.

Министерот за внатрешни работи на Хрватска, Давор Божиновиќ, изјави денеска во Загреб дека на денот на изборите, сите граѓани на Хрватска со право на глас ќе можат да влезат во државата без ограничувања, без оглед од која држава доаѓаат.

Тој изјави дека користењето на избирачкото право е итна причина, иако не е наведено специфично во правилата за преминување на границата. Граѓаните со право на глас ќе можат да влезат во Хрватска без тест за ПЦР, но исто така ќе мора да заминат во рок од 12 часа.

– Ова не е нешто ново. Секогаш постои можност да се влезе на територијата на Хрватска и да се напушти во рок од 12 часа ако има итни причини. Сметаме дека остварувањето на правото на глас е непосредна причина, изјави Божиновиќ на прес конференција на Националниот штаб за цивилна заштита.

На новинарско прашање за што се мерките доколку не се почитуваат кога ќе се одржат изборите, Божиновиќ одговори дека се претпоставува дека в недела во Хрватска ќе влезат помалку луѓе отколку кога ќе започне туристичката сезона.

На изборите за градоначалници на најголемите градови, Загреб, Сплит, Риека и Осиек, предизборните анкети предвидуваат неизвесна борба и втор круг избори.

Убедлив фаворит за влез во вториот круг во главниот град е кандидатот на зелено-левата коалиција „Можеме“, Томислав Томашевиќ, кој најавува „почеток на крајот на политичкиот октопод“ во Загреб, управуван од неодамна починатиот градоначалник Милан Бандиќ .