Средба на Албин Курти и Иса Мустафа за формирање на новата косовска влада


Лидерите на партиите кои победија на октомвриските избори во Косово, Албин Курти на Движењето Самоопределување (ВВ) и Иса Мустафа на Демократскиот сојуз на Косово (ЛДК), започнаа попладнево состанок зад затворени врати во косовското Собрание, со цел да ги договорат последните детали околу формирањето на новата заедничка влада, јави дописникот на МИА од Приштина.

Еден час по започнувањето на средбата, околу 15 часот и 15 минути двајцата лидери ја прекинаа средбата и, без да дадат информации за досегашниот тек, изјавија дека ќе ги продолжат преговорите по пауза од четириесетина минути.

Според претходните најави од двете партии, Курти и Мустафа се очекува во текот на денешниот ден да потпишат договор за идната влада, за која засега се знае дека е постигната согласност дека ќе има 12 министерства, од кои по едно ќе им припаднат на политичките субјекти на српската и на помалите етнички заедници во Косово.

Пред започнувањето на состанокот Курти им изјави на новинарите дека двете партии веќе ја усогласиле владината програма, а останува да се договори поделбата на одговорностите во извршната власт.

– Денеска ќе ги продолжиме преговорите за формирање на владата во која јас како премиер ќе имам 12 министерства во владиниот кабинет. Овие преговори ќе ги водам со Иса Мустафа. Ние ја усогласивме програмата и верувам дека денеска ќе се договориме и за поделбата на одговорностите во егзекутивот. Овие разговори почнуваат денеска и сега не очекува процесот на преговори. Решени сме сета работа да се заврши што подобро, изјави Курти.


Николоски: На лидерската покрај здравствената криза да се разговара и за условувањата од Бугарија - МИА
Вести

Николоски: Голем пораз те чека Заев и во четворката и во цела Македонија! А потоа одговорност.

Го гледам Заев свесен дека ќе губи пласира лажни вести преку порталите што му се блиски. Јас едно зборувам тие друго спинуваат. Очај! Им се смеат луѓето. Белото не може да е црно. Ама и […]

На работа се враќаат само родителите чии деца одат на училиште, но не и оние кои имаат деца во градинка - МИА
Вести

На работа се враќаат само родителите чии деца одат на училиште, но не и оние кои имаат деца во градинка

Скопје, 9 јули 2020 () – Министерот за здравство Венко Филипче денеска појасни за кои вработени се однесува уредбата со која на работа треба да се вратат родителите кои имаат деца до 10-годишна возраст. Во […]

Изборите ќе ги следат над 2.000 домашни и странски набљудувачи - МИА
Вести

Изборите ќе ги следат над 2.000 домашни и странски набљудувачи

Скопје, 9 јули 2020 () – Предвремените парламентарни избори во Северна Македонија ќе ги следат над 2.000 домашни и странски набљудувачи. Според роковникот на ДИК, денеска е последен ден до кога домашните и меѓународните набљудувачи […]