Шест цели на новата српска влада


Брнабиќ: Србија ги исполни условите на СЗО за укинување на вонредната состојба - МИА

– Мандатарката на новата српска влада, Ана Брнабиќ во експозето со планот за работа на владата и идните министри посочи дека новата ќе биде и влада на континуитет со владите од 2014 и од 2017 година.

Брнабиќ во српскиот Парламент посочи дека владата ќе има шест цели – борба против новиот коронавирус и зајакнување на здравјето, зачувување на виталните интереси на Србите на Косово, борба против организираниот криминал, зачувување на независноста на Србија и самостојно носење одлуки, владеењето на правото и забрзување на реформите на европскиот пат и понатамошно економско зајакнување на Србија.

– Почнавме да работиме, престанавме да лелекаме, кажа Брнабиќ, додавајќи дека „платите и пензиите континуирано ќе се зголемуваат“, и оти стапката на раст „најверојатно ќе биде највисока во цела Европа“, како и да „иако јавниот долг расте поради кризата од коронавирусот, горда сум што успеавме да одржиме ниско ниво на јавен долг“, посочи Брнабиќ

Таа говореше и за политичките предизвици со кои се соочува новата влада, потенцирајќи го дијалогот со Приштина.

– Од Заедницата на српски општини нема да отстапиме – остануваме на дадениот збор. Ќе ги координираме потезите со претседателот Александар Вучиќ и нашиот народ во Косово, кажа Брнабиќ.

Таа додаде дека владата што ја предлага че биде проевропска, која треба да ја забрза интеграцијата во ЕУ и да го реформира судството.

Во согласност со тоа, испратена е иницијатива за промена на Уставот, со што ќе се обезбеди независно судство, независно од сите политички влијанија, но и поефикасно и поодговорно кон граѓаните, кажа Брнабиќ.

Таа говорејќи за надворешната политика на Владата, мандатарката кажа дека Србија ќе продолжи да гради добри односи со Русија и Кина, но и со пријатели како Обединетите Арапски Емирати, Турција, Индија, земјите од Јужна Америка.

– Но, ние исто така сакаме подобри односи со САД, порача Брнабиќ.

Во регионот, Србија ќе ги развива доборососедските односи, „ќе го интензивира и ќе работи на имплементација на така наречениот мини Шенген и ќе се грижи за статусот на Србите во соседните земји, за нивното право на нивниот јазик, религија и култура.

Собранието на Србија денеска ќе расправа и ќе гласа за новата Влада на Србија, во која ќе има 21 министерство, двајца министри без ресор и пет потпретседатели.

Според предлогот на Брнабиќ, вицепремиери ќе бидат Бранко Ружиќ (прв вицепремиер), Бранислав Недимовиќ, Зорана Михајловиќ, Небојша Стефановиќ и Маја Гојковиќ, а министри без ресор Ненад Поповиќ и Новица Тончев.

За министер за надворешни работи предложен е Никола Селаковиќ, министер за внатрешни работи Александар Вулин, министер за одбрана Небојша Стефановиќ, министер за рударство и енергетика Зорана Михајловиќ, министер за финансии Синиша Мали, министер за здравство Златибор Лончар и Татјана Матиќ за министер за трговија, туризам и телекомуникации.

Маја Гојковиќ е номинирана за министер за култура и информации, Томислав Момировиќ за министер за градежништво, транспорт и инфраструктура, Дарија Кисиќ Тепавчевиќ за министер за труд, вработување и социјални работи, Ратко Димитровиќ за министер за семејство и демографија, Анѓелка Атанасковиќ за министер за економија, а Банко Ружиќ за министер за образование.

За министер за земјоделство, водостопанство и шумарство предложен е Бранислав Недимовиќ, министер за правда Маја Поповиќ, министер за европска интеграција Јадранка Јоксимовиќ, министер за заштита на животната средина Ирена Вујовиќ, министер за државна администрација и локална самоуправа Марија Обрадовиќ.

Мандатарката предложи Министерството за грижа на селата да биде предводено од Милан Кркобабиќ, Министерството за човекови и малцински права и социјален дијалог од Гордана Чомиќ и Министерството за спорт и млади Вања Удовичиќ.


Вести

Во ковид – центрите во Скопје за 24 часа хоспитализирани 39 пациенти, вкупно се лекуваат 486

– Во изминатите 24 часа во ковид – центрите во Скопје хоспитализирани се 39 нови пациенти поради компликации од коронавирусот. Вкупно 486 лица сомнителни и потврдени за Ковид-19 се лекуваат на инфективните оддели во главниот […]

Вести

Околу 300 војници и 150 полицајци ќе ги обезбедуваат здравствените објекти

– Околу 300 припадници на Армијата за време на прогласената кризна состојба ќе бидат ангажирани во поддршка на полицијата за обезбедување на објектите согласно потребите на Министерството за здравство. Припадниците на Армијата нема да бидат […]

Вести

Активни 20711 случаи на Ковид-19, во болниците има уште слободни кревети

– Вкупно 20711 активни случаи на Ковид-19 се регистрирани во земјава, од кои речиси половината 9985 се во Скопје, а во болниците се лекуваат 1290 пациенти. И покрај растот на бројот на инфицираните, сепак, болниците […]

Биди првиот кој ќе коментира

Вашиот коментар

Твојата е-маил адреса нема да биде објавена.


*