Претседателот на ЕП, Сасоли ја одложи посетата на Албанија


Претседателот на Европскиот парламент, Давид Сасоли ја одложи посетата на Албанија, која требаше да ја реализира на 2 и 3 декември, поради катастрофалниот земјотрес што ја погоди земјата на 26 ноември.

На Твитер Сасоли напиша дека се уште нема конкретен датум кога ќе допатува во Албанија.

– Се надевам дека Вие и вашите семејства сте добро и дека не сте многу погодени од земјотресот. Поради оваа трагедија, одлучено е да се одложи посетата. Сè уште немаме нов датум, но сакаме да ја оствариме оваа посета што е можно поскоро. Ќе бидеме во контакт, пишува претседателот на Европскиот парламент на Твитер, пренесува Топ чанел.

Сасоли посетата на Албанија ја најави на почетокот на ноември кога ја најави и посетата на Република Северна Македонија, каде престојуваше на четврти ноември.

Тој тогаш изјави дека ЕП ги поддржува народот на Албанија и Македонија, повикувајќи ги да не се предаваат, дури и по одлуката на Советот да не се отворат преговори.

– Посетата на Македонија и многу брзо на Албанија е најважната работа за мене во ова време. Знаеме дека луѓето во двете држави се длабоко разочарани од неуспехот на Советот да се согласи да отвори разговори за пристапување заради ветото на некои земји-членки. Ние ја разбираме и споделуваме оваа фрустрација. Албанија и Северна Македонија ги спроведоа реформите што ги баравме од нив и сега заслужуваат да бидат наградени за нивните вонредни напори. Покрај тоа, сакам да апелирам до граѓаните и особено до помладата генерација: Не откажувајте се од надежта, ве молам останете на европскиот пат. Европскиот парламент е со вас, изјавил Сасоли пренесува Топ чанел.

Тој посочил дека ЕП ги поддржува двете земји од Западен Балкан и додал дека ќе ги поттикне државите на ЕУ да донесат едногласна одлука во корист на преговорите за пристапување на следната средба.


Николоски: На лидерската покрај здравствената криза да се разговара и за условувањата од Бугарија - МИА
Вести

Николоски: Голем пораз те чека Заев и во четворката и во цела Македонија! А потоа одговорност.

Го гледам Заев свесен дека ќе губи пласира лажни вести преку порталите што му се блиски. Јас едно зборувам тие друго спинуваат. Очај! Им се смеат луѓето. Белото не може да е црно. Ама и […]

На работа се враќаат само родителите чии деца одат на училиште, но не и оние кои имаат деца во градинка - МИА
Вести

На работа се враќаат само родителите чии деца одат на училиште, но не и оние кои имаат деца во градинка

Скопје, 9 јули 2020 () – Министерот за здравство Венко Филипче денеска појасни за кои вработени се однесува уредбата со која на работа треба да се вратат родителите кои имаат деца до 10-годишна возраст. Во […]

Изборите ќе ги следат над 2.000 домашни и странски набљудувачи - МИА
Вести

Изборите ќе ги следат над 2.000 домашни и странски набљудувачи

Скопје, 9 јули 2020 () – Предвремените парламентарни избори во Северна Македонија ќе ги следат над 2.000 домашни и странски набљудувачи. Според роковникот на ДИК, денеска е последен ден до кога домашните и меѓународните набљудувачи […]