ПД-ЛСИ го поддржаа Мета за случајот „Цакај“, бараат анкетна комисија


Демократската партија на Љуљзим Баша и Социјалистичкото движење за интеграција на Моника Куремади го поддржаа претседателот Илир Мета во барањето за спроведување истрага околу експресно издадениот безбедносен сертификат на Косовецот Генти Цакај.

Рама го предложи Цакај за нов министер за Европа и надворешни работи, но за тоа Мета не потпиша уредба.

Парламентарните групи на двете партии доставија барање до Парламентот да се формира анкетна комисија, која треба да ја испита законитоста на делувањето на државните институции за кршење на законот од страна на Управата за класификација на безбедносни информаци (ДСИК).

Во барањето се наведува дека ДСИК му издала петгодишен безбедносен сертфикат во рок од 24 часа што не е во согласност со законот, кој предвидува период од еден месец и оти Управата не го верификувала престојот на Цакај во Белгија и Унгарија, каде престојувал подолг период.

Исто така, тие забележуваат дека Цакај, иако седум месеци бил заменик министер за надворешни работи, одбил да добие ваков документ.

Опозицијата бара формирање деветчлена комисија чиј претседаел ќе биде од ПД, а која треба да поднесе извештај во рок од три месеци.

Вести

Законот на ЈО во август, ако се постигне консензус

Владата вчера на седница го усвои Предлог-законот за Јавното обвинителство и донесе одлука да биде испратен на усвојување во Собранието со европско знаме и во скратена постапка. На предлог на Министерството за правда Владата прифати […]

Вести

Хан и Рикер доаѓаат во Скопје на средби со државниот врв и со опозицијата

Еврокомесарот за проширување Јоханес Хан утре доаѓа во Скопје на средби со државниот врв и со лидери на политички партии. Хан ќе се сретне со претседателот Стево Пендаровски, со премиерот Зоран Заев и со лидерот […]

Вести

Јанева негира вмешаност во „Рекет“, тврди дека некој со сите сили сака да го урне СЈО

Специјалната обвинителка во оставка Катица Јанева вчера на прес-конференција негираше дека е вмешана во случајот „Рекет“. Обвини дека против неа и нејзиното семејство се води хајка уште од самото стапување на функцијата, со цел нејзина […]