Отворање на автопатот од Ниш до бугарската граница на Коридор 10


Денеска во Србија на Источниот крак на Коридорот 10 се пушта во сообраќај делницата од Просек до Црвена Река, со вкупна должина од 22,5 километри, со што се заокружува изградбата на целиот источен крак од Димитровград до Ниш, долг 86 километри и 800 метри. Вкупната вредност на градбата на источниот крак се проценува на околу 476 милиони евра.

Овој дел од источниот крак, се смета за најтежок, бидејќи ја заобиколува Сичевачка клисура.

Како што јави дописникот на МИА од Белград, со новиот автопат долг 86,8 километри од Ниш до граничниот премин Градина на српско-бугарската граница, ќе се патува за педесет минути.

На свеченото отворање ќе присуствуваат српскиот претседател Александар Вучиќ, премиерката Ана Брнабиќ, бугарскиот премиер Бојко Борисов и членот на претседателството на БиХ, Милорад Додик.

На целиот источен крак од Ниш до Димитровград изградени се 87 мостови, пет тунели, пет сообраќајни јазли, 12,5 милиони кубни метри ископ, насипи од 9, 5 милиони кубни метри материјал и околу 780,000 тони асфалт.

Вкупната должина на целиот Коридор 10 во Србија е околу 813 километри, а нејзиниот источен крак од Ниш до Димитровград, долг е 86,9 километри.

Источниот крак на Коридорот 10 ја поврзува Србија со Бугарија, но исто така е важен и како транзитен коридор преку кој се одвива сообраќајот меѓу Централна Европа и Турција кон Блискиот исток.

Бизнис

Протест и почеток на штрајк на вработените во прилепски „Еурокомпозит“

Шеесетината вработени во прилепската наменска фабрика „Еурокомпозит“ повторно се собраа на протест пред фабриката, прекинувајќи ја работата и барајќи си ги своите права. Тие велат дека сѐ уште не ги зеле сите плати за повеќе […]

Вести

Уставните судии утре на колегиум ќе дискутираат за иницијативата по членот 353, став 5 од КЗ

Претседателот на Уставниот суд Сали Мурати за утре закажал колегиум со судиите, на кој детално ќе дискутираат по иницијативата за членот 353, став 5 од Кривичниот законик, а која се однесува за злоупотреба на службената […]

Бизнис

Бензините поевтинуваат половина денар

Бензините поевтинуваат половина денар од ноќеска на полноќ, а кај  дизелот нема промена на цената, одлучи денеска Регулаторната комисија за енергетика (РКЕ). Новата цена на Еуросупер БС 95 ќе изнесува 68 денари за литар, Еуросупер […]