Ноќва се навршуваат 20 години од бомбардирањето на РТС од страна на НАТО


Ноќва во 2:06 часот се навршуваат 20 години од бомбардирањето на зградата на Радио-телевизија Србија од страна на НАТО, кога загинаа 16 вработени во медиумот.

Тоа беше првиот случај една медиумска куќа да е прогласена за легитимна воена цел.

Меѓународната организација за човекови права „Хјуман рајтс воч“ во 2000 година соопшти дека немало оправдување за бомбардирањето на телевизијата.

Поранешниот директор на РТС Драгољуб Милановиќ во 2002 година беше осуден на 10 години затвор, затоа што не ја почитувал наредбата на тогашната Сојузна Влада за дислоцирање на луѓето и техниката, односно нивно евакуирање на безбедна локација.

Челниците на НАТО тврдеа дека нападот бил оправдан, а специјална комисија на Хашкиот трибунал, која го испитуваше и случајот со бомбардирањето на РТС, не му предложи на Обвинителството да покрене кривична постапка.

Во нападот на НАТО, ноќта меѓу 22 и 23 април, загинаа: Јелица Мунитлак (27) шминкерка, Ксенија Банковиќ (27) видео-миксер, Дарко Стоименовски (25) техничар во размена, Небојша Стојановиќ (26) техничар во мастер, Драгорад Драгојевиќ (27) работник во обезбедувањето, Драган Тасиќ (29) електричар, Александар Делетиќ (30) камерман, Славиша Стевановиќ (32) техничар, Синиша Медиќ (32) дизајнер на програма, Иван Стукало (33) техничар, Дејан Марковиќ (39) работник во обезбедувањето, Милан Јоксимовиќ (47) работник во обезбедувањето, Бранислав Јовановиќ (50) техничар во мастер, Милован Јанковиќ (59) прецизен механичар, Томислав Митровиќ (61) режисер на програма и Слободан Јонтиќ (54) монтер.


Потврдени 103 нови случаи со Ковид-19, починати пет, оздравени 13 пациенти - МИА
Вести

Регистрирани 115 нови случаи на КОВИД-19 и седум починати

Скопје, 5 јули 2020 () – Во последните 24 часа се направени 1032 тестирања, а регистрирани се 115 нови случаи на Ковид-19, во Скопје-53, Куманово-4, Дебар-6, Штип-3, Прилеп-6, Тетово-8, Струга-13, Велес-1, Охрид-8, Гостивар-5, Пробиштип-1, Свети […]

Вести

Продолжува претставувањето на изборните понуди на партиите пред граѓаните

Скопје, 5 јули 2020 () – Предизборната кампања на партиите за предвремените парламентарни избори кои треба да се одржат на 15 јули е на средина. Тие своите изборни програми и денеска ќе ги претстават на […]

Почнуваат координации со соседните земји околу регионален пристап за справување со коронавирусот - МИА
Вести

Вкупно 3611 активни случаи со КОВИД-19, најмногу во скопски Чаир

Скопје, 5 јули 2020 () – Бројот на заразени со КОВИД-19 вчера се зголеми за 147, а со тоа вкупниот број активни случаи во земјава изнесува 3611. Новозаразените се од Скопје-64, Куманово-8, Штип-6, Прилеп-3, Тетово-16, […]