МИА и новинските агенции од Европа против „Лажни вести“/ “Fake News”/ во медиумите

Македонската информативна агенција-МИА се вклучи во заедничката мобилност на новински агенции од Европа против лажните вести во медиумите, во јавноста познати како “Fake News”. На меѓународна конференција во Тирана, чиј домаќин беше Албанската телеграфска агенција-АТА, ставовите на МИА беа јавно презентирани и се составен дел на стратегијата која ја подготвуваат новински агенции од Европа за справување со “Fake News”.

Проблемот со „лажни вести“ како вирус успеа да се разнесе насекаде по светот, без селекција, но со јасна намена и цели. Протокот на информации и вести во медиумите наместо да се врши врз основа на нивната точност, се почесто се случува „разни нарачатели“ јавноста да ја информираат со сервирање „лажни вести“. Затоа и не е чудно што познатата Макијавелистичка изрека „Целта ги оправдува средствата“, најчесто практикувана во политички цели, денес има вистинска „конкуренција“ во една друга исто така ефикасна мудрост – „100 пати кажана лага, станува вистина“, нагласи во своето обраќање на меѓународната конференција во Тирана, новинарот Марјан Танушевски, член на управниот одбор на МИА.

-Ние во МИА знаеме дека на граѓаните треба секојдневно да им овозможуваме добра информираност со точни и веродостојни информации. Тоа се постигнува само со професионално работење, проверени точни вести, веродостојни податоци кои треба и мора да ги овозможи професионален медиум. Професионалноста на вестите и другите медиумски производи останува да ги бранат само професионалците. Таа битка во актуелниот амбиент на наезда на он-лајн медиуми, социјални мрежи, може да ја бијат само професионалните медиуми и најмногу агенциите. Агенциите кои се непристрасни и професионални, имаат задача да влијаат за медиумска писменост на публиката, и мора да ги научат и мeдиумите и читателите дека точна вест е само таа која е проверена, официјално потврдена од институција, онаа вест која ги содржи сите засегнати страни, различните гледишта за една состојба, посочи Танушевски.

Меѓусебната соработка на агенциите, регионалното поврзување на професионалците во борбата против лажните вести, како иницијатива на МИА беше поздравена на конференцијата „Новинските агенции, наспроти Fake News”, што од 2. до 5. декември се одржа во Тирана.

-Агенциите мора да бидат столбот на професионално новинарство, на објективна информација, и мора да бидат ѕид од кој ќе се одбиваат лажните вести. Но, во Агенциите, ќе направиме или можеби веќе правиме голема грешка ако дефинираме или подразбираме дека одредена точна, вистинита вест е лажна вест, бидејќи е непожелна за јавните власти или несоодветна на уредувачките политики. МИА има отворена понуда за сите професионални новинари, отстапува простор за соработка, дава поддршка за агенциското вмрежување, но и со сите кои се на страната на професијата. Ако сакаме, а сакаме да бидеме медиуми кои уживаат висок кредибилитет, интегритет, имиџ и традиција, тогаш не смееме да прифатиме на сметка на нечии политички интереси да се откажеме од својата професионалност и вистинските вредности. Јавните укажувања, медиумскиот простор, анализи и коментари се со единствена цел да се намали интензитетот на „лажни вести“, истакна Танушевски.

Учесниците на конференцијата во Тирана се сложија дека во борбата против “Fake News” треба да се вклучи секој, да се пресретнуваат лажните вести и брзо да се отстрануваат од јавниот простор за да не влијаат негативно во јавноста.

-Новински агенции со кредибилитет може да бидат извор на енергија за борба против “Fake News”. Наш производ и понатаму треба да се непристрасни вести, точни и само точни вести затоа што пласирањето на дезинформации во јавноста и во секаков формат, всушност е намера со цел да се влијае врз вербата на луѓето, истакна Александру Гибои, генерален секретар на Европската асоцијација на новински агенции-ЕАНА и додаде дека владите треба подобро да ја разбираат работата на Агенциите.

Според Огун Дуру, уредник во турската новинска агенција АНАДОЛИЈА, “Fake News” го поткопуваат новинарството како професија, и им штетат на читателите, на публиката.

-Лажните вести не се новитет со кој се соочува светот, туку феномен кој расте и се развива со алармантна брзина. Негативните ефекти од лажни вести создадени со политички, финансиски или психолошки цели се огромни. Денес е полесно да се пишуваат лажни или „бледи“-ветви вести, и за жал тие да бидат прифатени од одредена публика која оптоварена со се и сешто во оваа дигитална ера нема време да ги проверува информациите, рече меѓудругото новинарот Дуру на конференцијата во Тирана.

Посебни обраќања на тематската конференција „Новинските агенции наспроти Fake News“ имаа и новинарот на ТАНЈУГ Маја Војиновиќ, која јавно предупреди на опасноста од лажните вести во медиумите, Олександар Карченко, генерален директор на националната новинска агенција во Украина, кој жестоко го критикуваше напливот на лажни вести кој од странство се пренесува во нивната држава, директорот на грчката АНА/МПА Михалис Псилос посочи дека агенциите од Балканот треба да водат заедничка борба против лажните вести, додека пак Лукаш Швержевски од ПАП-Полска предочи дека личните искуства секогаш треба да се споделуваат со колегите професионалци.

-Јас навистина верувам дека соработката е единствениот начин да се справиме со заканата од “Fake News”. Организирањето на прва конференција од ваков вид имаше една цел да ја зајакнеме меѓусебната соработка, да подговиме агенда и стратегија и да не дозволиме ширење на лажни вести, нагласи Армела Красниќи, директор на државната албанска агенција АТА, одличен домаќин и организатор на конференцијата во Тирана.

На маргините од тридневната конференциска средба, на претставниците на државни новински агенции од Европа, МИА ја промовираше и подари монографијата издадена по повод јубилејот 20 години од денот на формирањето, и ги претстави новитетите во производството и дистрибуција на вести во Република Македонија и странство.

МИА

Вести

Судењето за „27 април“ продолжува со завршни зборови на обвинетите

Во Кривичниот суд во Скопје продолжува судењето за случувањата во Собранието на 27 април 2017 година. Вчера завршни зборови дадоа дел од обвинетите. Судскиот процес започна во август минатата година и го води Добрила Кацарска, […]

Балкан

„Блиц“: САД подготвени на поекстремни потези кон Приштина

По одбивањето на Приштина да ги повлече таксите за производи од Србија, САД се подготвени на поекстремни потези, кои би требало да ги погодат директно политичките лидери на косовските Албанци и нивните главни проекти, пишува […]

Вести

Завршни зборови на одбраната на „Титаник 2“

Во Кривичниот суд за денеска е закажано ново рочиште за случајот за изборни нерегуларности на локалните избори во 2013 година „Титаник 2“ на кое завршни зборови треба да дава одбраната. Во „Титаник 2“ обвинети се лидерот […]

Вести

Нов состанок на Мешовитата македонско-бугарска експертска комисија

Дали да се препорача заедничко чествување на Цар Самоил, Гоце Делчев, Илинденското востание се меѓу личностите и настаните за кои ќе се дебатира  на четвртиот состанок на Мешовитата македонско-бугарска експертска комисија за историски и образовни […]

Вести

Заев и Ахмети ќе се обидат да најдат заеднички кандидат за претседател

Премиерот и лидер на СДСМ Зоран Заев и лидерот на ДУИ Али Ахмети на денешната средба во Клубот на пратениците заклучиле да направат обид да се најде заедничка личност за кандидат за претседател на државата. Заев […]

Бизнис

Бензините поскапуваат, дизелот останува ист

Од полноќ поскапуваат бензините, а цената на дизелот останува иста, одлучи денеска Регулаторната комисија за енергетика. Согласно одлуката, новата цена на Еуросупер БС-95 се зголемува за пола денар, а Еуросупер БС-98 за еден денар. Така, […]

Интересно

„Квин“ ќе настапи во живо на доделувањето на Оскарите

Британскиот рок-бенд „Квин“ ќе настапи во живо на доделувањето на Оскарите в недела, објавија вчера организаторите. Биографскиот филм за славниот пејач Фреди Меркјури, „Боемска рапсодија“, има повеќе номинации. Годинава навршуваат 28 години од смртта на […]

Интересно

Пијана жена повикала пожарникари да ѝ ја изгасат „душата која ѝ гори“

Во Уфа, престолнината на руската автономна Република Башкирија, пијана жена се јавила во противпожарната служба и ги повикала пожарникарите за ѝ ја изгаснат „душата која ѝ гори“. Видеото, снимено од пожарникари, се појави и на социјалните […]

Интересно

Портокалови алигатори повторно се појавија во САД

Два портокалови алигатора се забележани на плажата Сајпрус Рич во американската сојузна држава Јужна Каролина. Ова се случува само две години откако друг портокалов алигатор го изненади целиот свет. Необичната боја на животните повторно предизвика […]

Be the first to comment

Leave a Reply

Your email address will not be published.


*