На изборите за Европскиот парламент следната година, изберете проевропски политичари кои ќе ја водат Хрватска напред, им порача на хрватските гласачи неговата претседателка Роберта Мецола пред нејзината посета на Загреб.

Мецола доаѓа во Хрватска во прва службена посета како претседател на Европскиот парламент (ЕП) на 19 и 20 јуни на покана на претседателот на хрватскиот Парламент Гордан Јандроковиќ.

– Мојата посета доаѓа во време кога навистина можеме да ги славиме достигнувањата на Хрватска откако стана членка на ЕУ. Фантастични одлуки оваа година за влез во Шенген зоната и во еврозоната. Затоа, мојата порака ќе биде: бидете горди на достигнувањата на вашата земја, рече Мецола во интервју за Хина во Стразбур.

Таа в понеделник ќе разговара со хрватскиот премиер Андреј Пленковиќ, ќе учествува на конференција за десетгодишнината од членството на Хрватска во ЕУ и ќе разговара со млади. Во вторник ќе се сретне со Јандроковиќ и ќе разговара со хрватските пратениците.