Курти и Мустафа не се договорија за новата влада


Лидерите на Движењето „Самоопределување“ и на Демократскиот сојуз на Косово, Албин Курти и Иса Мустафа не успеаја денеска да се договорат за идната заедничка влада, јави дописникот на МИА од Приштина.

По денешната средба зад затворени врати во косовското Собрание, по која се најавуваше потпишување договор за коалиција, двете партии кои победија на октомвриските избори најавија дека преговорите ќе ги продолжат „во следните денови“.

Курти по состанокот изјави кратко дека сепак е постигнат извесен напредок.

– Договор, сепак, немаме. И натаму има прашања за кои не се согласуваме, изјави лидерот на „Самоопределување“, кој се очекува да го добие мандатот за формирање на влада.

Мустафа истакна дека со Курти имале „содржакни разговори“.

– Се согласивме во врска со владината програма. Договор за коалиција денеска нема, но се договоривме да продолжиме да работиме. Нашите разлики ќе ги соопштиме откако ќе ги приближиме ставовите, нагласи Мустафа


Вести

Пентагон: Триесет и четири војници имаат трауматични повреди на мозокот

Пентагон денеска соопшти дека кај 34 американски војници биле дијагностицирани трауматични повреди на мозокот по иранскиот напад врз базата во Ирак на почетокот на овој месец. Според портпаролот на Пентагон, Џонатан Хофман, осуммина војници, кои […]

Вести

ЕУ го именуваше првиот шеф на својата Делегација во Лондон

Шефот на европската дипломатија Жозеп Борел го именуваше Жоао Вале де Алмеида за прв шеф на идната Делегација на ЕУ во Обединетото Кралство. Во соопштението на Европската служба за надворешни работи се наведува дека Вале […]

Вести

Претставниците на ВМРО-ДПМНЕ ја напуштија денешната средба за законот за јавно обвинителство

Не цел половина час по почетокот на средбата на партиските работни групи за законот за јавно обвинителство што се одржува во Собранието претставниците на ВМРО-ДПМНЕ ја напуштија дискусијата поради тоа што не била прифатена нивната […]