Крстичевиќ: Хрватска подготви план за издвојување на средства за НАТО


Хрватскиот министер за одбрана Дамир Крстичевиќ денеска изјави дека Загреб подготвил план за издвојување на средства за НАТО, како што претходно беше побарано од Хрватска.

Кон крајот на октомври во Брисел, Хрватска и одредени други земји-членки на Алијансата добија речиси ултиматум од САД и НАТО за шест недели да состават конкретен план за издвојување на два отсто од бруто домашниот производ за одбраната.

На Самитот на НАТО што утре и на 4 декември се одржува во Лондон ќе присуствуваат премиерот Андреј Пленковиќ и Крстичевиќ, при што ќе преземат јавна обврска дека Хрватска за пет години односно до 2024 година ќе достигне да издвојува два отсто од БДП за одбрана.

Хрватска сега издвојува околу 1,68 отсто од БДП за одбрана, при што се вклучени и воените пензии на ветераните.

Хрватскиот весник „Вечерњи лист“ објави дека Хрватска троши помалку на опремување и модернизација односно набавка на нови вооружени системи и модернизација на постоечките.

– Хрватска е најлоша помеѓу 28 земји-членки на НАТО и се наоѓа на последното место за опрема и модернизација, наведува „Вечерњи лист“.

Во Европа најмногу троши Велика Британија – 61 милијарди долари, Германија околу 55, Франција околу 51, Италија – 25, Турција и Шпанија издвојуваат по 13, а Полска – 12 милијарди долари.

Вести

Венецијанска комисија не го промени ставот за Законот за јазици

Венецијанската комисија во мислење усвоено денеска, ги повикува властите на Македонија да го преиспитаат Законот за употреба на јазиците преку консултации со сите засегнати страни, јавува дописникот на МИА од Стразбур. Според соопштението, издадено по […]

Вести

Одбиено барањето за апанажа на Јанева во Собранието

Членовите на собраниската Комисија за прашања на изборите и именувањата на попладневното продолжение на седницата едногласно го одбија барањето за апанажа на поранешната специјална јавна обвинителка Катица Јанева, осомничена во случајот „Рекет“. Претседателот на Комисијата […]

Вести

Меркел го посети Аушвиц: Ова човечкиот ум не може да го сфати

Германската канцеларка Ангела Меркел, за првпат во својот 14-годишен мандат на чело на германската Влада, денеска го посети поранешниот концентрационен логор на Третиот рајх во Аушвиц, и истакна дека тоа што се случило во Аушвиц […]