Коснет: Косово е заглавено поради корупцијата и кршењето на човековите права

Амбасадорот на Соединетите Американски Држави во Косово Филип Коснет изјави дека земјата е „заглавена од корупцијата, нападите врз новинарите, протерувањето на странски државјани без редовен судски процес, насилството над малцинствата“, јави дописникот на МИА од Приштина.

Коментарот што Коснет го објави на својот Твитер уследи по објавувањето на извештајот на американскиот Стејт департмент за состојбата со човековите права во 2018 година, во кој како главни проблеми во Косово се наведуваат „насилоното враќање на бегалците или барателите на азил, ендемската корупција во власта, насилството и насилните закани врз новинарите и нападите врз членовите на етничките малцинства или другите маргинализирани заедници“.

Извештајот посебно го нагласува случајот на протерување на шестмината турски државјани од Косово во Турција, каде што, според Вашшингтон, тие се гонат „под неосновани обвиненија“.

Протерувањето на турските образовни работници во март минатата година, кои офцијална Анкара ги обвинува како соработници на Фетулах Ѓулен, политичкиот противник на претседателот Реџеп Таип Ердоган, продолжува да предизвикува реакции од различни политички и граѓански кругови во Косово, но се уште никој не понел одговорност за кршењето на процедурите за прогон.


Бизнис

Протест на технолошкиот вишок на „Еурокомпозит“- По две години ништо не е решено

Работниците прогласени за технолошки вишок кои се уште чекаат да им бидат исплатени отпремнините од прилепската компанија „Еурокомпозит“ денеска се собра на протест во центарот на Прилеп. Тие бараат одоговор за состојбите во фирмата и […]

Бизнис

Лани без објавување оглас склучени 596 договори во вредност од 33 милиони евра

Големи тендери, намалена конкуренција, склучени договори без објавување оглас, раст на бројот на поништени тендери, се дел од клучните наоди на мониторингот на јавните набавки спроведени во периодот јули-декември 2018 година. Во извештајот на Центарот […]

Вести

Комплетиран кабинетот на претседателот Пендаровски

Претседателот Стево Пендаровски, го комплетираше составот на својот кабинет. Генерален секретар ќе биде Миле Бошњаковски, кој досега ја извршуваше функцијата портпарол на Владата, додека шеф на протокол ќе биде Билјана Мицевска. Одговорна за односи со […]