Каменос: Не сум министер во заминување


Ниту сум министер во заминување, ниту сум пред оставка, изјави денеска министерот за одбрана на Грција, Панос Каменос, кој е и лидер на партијата Независни Грци, помал коалицискин партнер во грчката Влада на премиерот Алексис Ципрас.

Како што јави дописничката на МИА од Атина, ваквата изјава Каменос ја даде за време на состанокот на Комисијата за одбрана во грчкиот Парламент.

Инаку, за денеска е закажан состанок на пратеничката група на Незавсини Грци, па останува енигма каква позиција ќе заземе партијата во однос на нејзиното заминување или останување во грчката коалициска Влада, исто како што останува непознато дали и кога ќе се сретнат Ципрас и Каменос.

Иако грчкиот премиер во интервју за телевизијата Open во средата вечерта изјави дека денеска ќе се сретне со неговиот коалициски партнер Каменос за да разговараат за иднината на нивната соработка, сепак официјално не постои информација кога би се одржала средбата.

Во новинарските кругови во Грција, се споменува дека тие би можеле да се сретнат попладнево, по завршувањето на состанокот на пратеничката група на Независни Грци, но исто така се споменува сценариоото дека средбата може да се одложи се додека не постои конкретна развска во македонското Собрание околу усвојувањето на уставните амандмани.

Каменос и неговата партија се противат на Договорот од Преспа и во повеќе наврати најавуваа напуштање на Владата, доколку документот биде прифатен од грчкиот Парламент.

Вести

Законот на ЈО во август, ако се постигне консензус

Владата вчера на седница го усвои Предлог-законот за Јавното обвинителство и донесе одлука да биде испратен на усвојување во Собранието со европско знаме и во скратена постапка. На предлог на Министерството за правда Владата прифати […]

Вести

Хан и Рикер доаѓаат во Скопје на средби со државниот врв и со опозицијата

Еврокомесарот за проширување Јоханес Хан утре доаѓа во Скопје на средби со државниот врв и со лидери на политички партии. Хан ќе се сретне со претседателот Стево Пендаровски, со премиерот Зоран Заев и со лидерот […]

Вести

Јанева негира вмешаност во „Рекет“, тврди дека некој со сите сили сака да го урне СЈО

Специјалната обвинителка во оставка Катица Јанева вчера на прес-конференција негираше дека е вмешана во случајот „Рекет“. Обвини дека против неа и нејзиното семејство се води хајка уште од самото стапување на функцијата, со цел нејзина […]