Иса Мустафа прифати Албин Курти да биде новиот косовски премиер


Демократскиот сојуз на Косово (ДСК) ќе го почитува принципот според кој мандатар на владата ќе биде кандидатот на партијата која на изминатите вонредни избори освои најмногу гласови, а тоа во конкретниов случај е движењето Самоопределување, односно Албин Курти, изјави на прес конференција во Приштина попладнево, Иса Мустафа, по седницата на партиското претседателство.

Мустафа ја најави и средбата на двете партиии на највисоко ниво кога, како што кажа, ќе стане збор за дијалогот со Белград и за уште неколку други прашања.

Лидерот на движењето Самоопределување, Курти, според вчера соопштените конечни резултати од изборите, поединечно освоил најмногу гласови и со тоа ја обезбедил премиерската функција.

Мустафа кажа и дека до сега во преговорите е усогласен поголем дел од програмата на идната влада и додаде дека некои разлики постојат, кога станува збор за економските и социјалните прашања, пренесе Коха .

-Новата влада ќе биде поефикасна и поекономична. Не треба да се занимаваме со прашањата за кои не се согласуваме, иако тие се многу малку, рече Мустафа.

Вести

Судството гласно за платите, молк за нефикасноста и застарувањето на предметите

Протестот на судската администрација повторно ги отвори прашањата за функционирањето и ефикасноста на македонското судство. Нивните барања добија јавна поддршка од судиите, на кои министерката за правда Рената Дескоска им забележа дека, како што се […]

Вести

РСЕ: Франција ги соопшти новите принципи за проширувањето на ЕУ

Франција испрати таканаречен „нон-пејпер“ до земјите-членки на ЕУ, барајќи „обновен пристап“ во процесот на проширување кон земјите од Западен Балкан. Исто така, од Европската комисија се бара до јануари 2020 година да објави нова методологија […]

Вести

Застарува делото на Бучковски за „Тенковските делови“

На поранешниот премиер Владо Бучковски му застарува делото во предметот „Тенковски делови“, објави денеска Коалицијата за правично судење, која го следеше овој судски процес. – На денешното рочиште по предметот „Тенковски делови” јавниот обвинител во […]