Интерпол распиша потерници по 20 осомничени за убиството на Кашоги

На барање на Турција, Меѓународната полициска организација (Интерпол) денеска распиша потерници по 20 државјани на Саудиска Арабија осомничени за убиството на саудискиот новинар Џамал Кашоги.

Осомничените се дел од т.н. тим за егзекуција и сега ќе се трага по нив во секоја земја членка на Интерпол.

Се претпоставува дека осомничените се вратиле во Саудиска Арабија, откако на 2 октомври минатата година го извршиле убиството на Кашоги во Саудискиот конзулат во Истанбул.

Според тврдењата на Анкара, осомничените допатувале во Турција само со цел да го убијат Кашоги и „да се ослободат од неговото тело“.

Најавата на Интерпол уследи откако Турција денеска ја повика Саудиска Арабија да ги објави имињата на обвинетите за убиството на Кашоги и да ги обелодени обвиненијата против нив.

– Ја повикуваме Саудиска Арабија да му каже на светот кои поединци во моментот се на судење врз основа на обвиненијата, истакна портпаролот на турскиот претседател Реџеп Тајип Ердоган, Фахретин Алтун.

Турската полиција минатиот месец соопшти дека верува оти некои делови од телото на убиениот новинар можеби се запалени. И покрај истрагата што ја спроведе Турција во Конзулатот на Саудиска Арабија и на уште неколку локации, телото на Кашоги се уште не е пронајдено.

Претседателот на Турција, Реџеп Тајип Ердоган за убиството на Кашоги ги обвини лидерите на Саудиска Арабија и побара да се откријат локалните соработници.

Кашоги беше новинар на весникот „Вашингтон Пост“, познат по своите критички текстови за властите во Ријад, поради што како наредбодавец на неговото убиство беше посочуван лично саудискиот престолонаследник, принцот Мохамед бин Салман.


Бизнис

Фондот за Западен Балкан додели грантови за 24 проекти

Секретаријатот на Фондот за Западен Балкан во Тирана ја одржа дводневната партнерска работилница и церемонијата за доделување на грантови од 24-те победнички проекти од вториот повик на ВБФ. На настанот присуствуваа високи претставници од министерства за […]

Вести

Протест на жителите на Гази Баба против преселбата на Центарот за зависности во нивната населба

Жителите на Гази Баба денеска одржаа протест против најавата за дислокација на Центарот за одвикнување од зависности од Општина Кисела Вода во простории на поранешната фабрика „Металски завод – Тито“, во населбата Маџари. Учесниците на […]

Вести

Марш за Денот на параплегијата и дистрофијата во Скопје

Денот на параплегијата и дистрофијата денеска беше одбележан со марш организиран од Националниот сојуз на лица со попреченост „Мобилност“, под слоганот „Силата не е во чекорењето, силата е во издржливоста!” Неколку години по ред, секцијата […]