Ѓонај: Постапката за отповикување на Мета е последица на неговото делување


Албанската министерка за правда, Етилда Ѓонај, гостувајќи на тиранската телевизја Њуз 24, зборуваше за барањето за импичмент на претседателот Илир Мета, што е на дневен ред на утрешната седница на Парламентот, на која треба да се изгласа и резолуција за негово разрешување.

Таа рече дека до тоа дошло како последица на делувањето на шефот на државата.

– Парламентарната дебата не е упорно настојување за разрешување, тоа доаѓа како резултат на уредбата на претседателот да го одложи датумот за одржување на локалните избори. Собранието утре со резолуција ќе донесе политичка одлука со која ќе оцени дека со уредбата на претседателот постои кршење на Уставот. Следуваат низа процедури за да се дојде до разрешување. Но, ви велам дека не е целта негово разрешување туку е последица на чин што го сторил претседателот. Ја го гледам толку едноставно, изјави Ѓонај.

Таа посочи дека ако биде разрешен од Собранието, одлуката ќе мора да помине и во Уставниот суд.

– За негово разрешување одлука ќе мора да донесе Уставниот суд. Тој е во процес на проверка на кандидатите кои конкурирале за членови по што ќе следува изборот. До крајот на јули, ќе бидат пополнети испразнетите места и ќе биде комплетиран судот, најави министерката.

Оваа највисока судска инстанца не фукционира повеќе од една година. Во моментот има само еден судија,Виторе Туша, и таа е со завршен мандат, а другите беа разрешени откако не поминаа во процесот ветинг, односно неможност да го оправдаат потеклото на имот.

Уставниот суд има девет членови со мандат од седум години, без право на повторен избор. Се избираат тројца на предлог на претседателот на држвата, исто толку на предлог на Врховен суд, кој исто така не функционира, и тројца на Парламентот.


Потврдени 120 нови случаи со Ковид 19, оздравени 16, починати двајца пациенти - МИА
Вести

Вкупно 180 нови случаи на КОВИД-19, двајца починати, најмногу заболени во Скопје

Скопје, 5 јуни 2020 () – Вкупно 180 нови случаи позитивни на КОВИД -19 се евидентирани во изминатите 24 часа, објави Министерството за здравство. Починати се двајца пациенти – едниот на возраст од 52 години […]

Во штипската текстилна конфекција се зголемува бројот на заразени работници - МИА
Вести

Потврдени 177 нови случаи на заболени со Ковид-19

– Во изминатото деноноќие во нашата земја се извршени 1.245 тестирања за Ковид-19, потврдени се нови 177 позитивни случаи. Од Институтот за јавно здравје за МИА информираа дека најмногу позитивни случаи од коронавирус се регистрирани […]

ССМ: Да ја спречиме злоупотребата на финансиска помош за работниците погодени од здравствено-економската криза - МИА
Вести

ССМ: Да ја спречиме злоупотребата на финансиска помош за работниците погодени од здравствено-економската криза

Скопје, 5 јуни 2020 () – Од Сојузот на синдикати на Македонија (ССМ) соопштија дека до нив биле упатени низа поплаки кои укажуваат дека некои од компаниите кои се корисници на финансиска помош од државата […]