Ердоган: Доколку продолжи ставот на САД за F-35, Турција ќе бара други решенија



Турскиот претседател Реџеп Таип Ердоган, истакна дека доколку по прашањето за Ф-35 продолжи бескомпромисниот став на Соединетите Американски Држави, Турција, за да ги задоволи своите потреби, ќе биде принудена да бара други решенија, јави агенцијата Анадолија.

 

Претседателот на Република Турција и претседател на АК Партијата, Реџеп Таип Ердоган, денес говореше на состанокот на парламентарната група во турското Собрание.

 

Осврнувајќи се на средбата со американскиот претседател Доналд Трамп, Ердоган рече дека за многу прашања не можеле да донесат фундаментални решенија, но на светот му покажале дека тие прашања не можат да ги заробат односите меѓу двете земји.

 

– Доколку по прашањето за „Ф-35“ продолжи бескомпромисниот став, Турција, за да ги задоволи своите потреби, ќе биде принудена да бара други решенија, нагласи Ердоган во својот говор пред пратениците на АК Партијата.

 

Истакнувајќи дека оние што се обидуваат сепаратистичката терористичка организација (ПКК) да ја претстават како структура која се бори против ДЕАШ, рече дека тие денес се обидуваат да ги покријат масакрите на цивили на истата организација.

 

– Низ светот кажуваат дека ние сме против Курдите. Слично како Народната демократска партија ХДП (HDP) во Парламентот. ХДП зад која стои терористичката организација ПКК. Ние молиме да не се мешаат овие работи. Ние не сме против курдските браќа, туку против терористичките организации како што се ПКК, ПЈД, ЈПГ. Вашите вакви изјави се непочитување на нашите курдски браќа. Ве молам, ова не го правете. Тоа им го кажавме на сите, рече турскиот претседател.

 

– Се обидуваа да создадат терористички коридор по должината на границата со Турција, и сакаа да нè држат под опсада од југ“, истакна Ердоган и додаде: „Ние што направивме? Ја скршивме таа опсада. Тука е нивниот проблем.“

 

– Кога се скрши опсадата од југ, тие полудеа, рече Ердоган.

 

Истакнувајќи дека на северот на Сирија пристигнале 32-33 камиони со оружје, муниција и опрема, Ердоган нагласи „и покрај тоа тие не успеаја успешно да ја спроведат операцијата. Зошто? Затоа што нашата Војска и Сириската национална војска (СНВ), рака за рака, гради до гради, ги расипаа сите тие игри.“

 

Ердоган истакна дека на средбата со американскиот претседател ги повторил барањата во врска со водачот на ФЕТО и неговите приврзаници.

 

– Нашата решеност кон ова прашање продолжува. Ние ќе ги бараме овие предавници до последниот здив за да одговараат за предавството што го направија кон нашата земја и нашиот народ. Терористите нема да можат да се ослободат од тоа, без оглед зад кого се кријат. Се надеваме дека почнаа да разбираат дека Турција, со уцени, санкции, со лажни аргументи, нема да се откаже од случајот во којшто е во право. На сите ќе им раскажеме дека без согласност и поддршка од Турција ниту еден план во регионот не ќе може да се реализира.

 

 


Од среда почнува предвремена исплата на мајската пензија - МИА
Бизнис и економија

Втора шанса за одложување на плаќање на кредитите бараат 20 до 30 отсто од тие кои веќе ги одложиле обврските

– Дваесет до 30 проценти од граѓаните што ја искористија можноста за одложување на плаќање на ратите на кредитите во првиот период, кој почна од април и трае до крајот на овој месец, побарале да […]

Вести

Бројката на новодијагностицирани стабилизирана на околу 10 отсто од тестираните, засега нема потреба од нови мерки

– Нови 141 случај со Ковид-19 од 1.559 тестирања беа евидентирани во вчерашниот извештај на Министерството за здравство за изминати 24 часа. Починат е пациент од Скопје на возраст од 79 години. Регистрирани се 94 оздравени […]

Научниците се уште не се согласни дали е можна инфекција со Ковид-19 од воздух - МИА
Вести

Дневен преглед на состојбата со Ковид-19 во светот

Според најновите податоци, во светот со новиот коронавирус до сега се заразени 32.885.863 лицe. Од нив починале 995.352 пациенти, а оздравеле 24.260.574 луѓе. -Националната организација за јавно здравје на Грција соопшти 315 нови случаи на […]