Два послаби земјотреси се регистрирани синоќа во Загреб. Посилниот од двата земјотреси се случи во 01 часот и 58 минути и вознемири дел од граѓаните. Беше со јачина од 2,8 степени.
„Вечерва, 7 март 2024 година, сеизмографи на Сеизмолошката служба на Република Хрватска забележаа два слаби земјотреси кај Маркушевац. Првиот се случил во 1 часот и 55 минути со јачина од 1,9, а вториот три минути подоцна, во 1 часот и 58 минути, со јачина од 2,8 степени според Рихтер“, соопшти сеизмолошката служба на Хрватска, пренесува Индекс.хр.
#potres (#earthquake) 07.03. kod Markuševca u 01:55 M1.9 i 01:58 M2.8. Opširnije na https://t.co/Q4LLbyhWs2. Ako ste osjetili potres, molimo javite na https://t.co/RJDaIJlwpM
— Seizmološka služba HR (@seizmo_hr) March 7, 2024
ЕМСЦ извести дека епицентарот на потресот во 01:58 часот бил на длабочина од шест километри.
Иако е класифициран како слаб според јачината, луѓето известуваат дека земјотресот ги разбудил и дека се слушнал прилично силен звук. Некои велат дека се чувствувало посилно отколку што сугерира магнитудата.
Mali, ali podmukli potres. E, što se spavalo, spavalo se.
— Dalija Orešković (@OreskovicDalija) March 7, 2024
„Краток, но силен потрес, нè разбуди“, „Добро се затресе“, „Претпоставувам дека првиот ме разбуди“, „Не беше слабо. Посебно второто. Скокнав од кревет, креветот лошо се затресе“, се дел од коментарите на загрепчани.
„Мал, но подмолен земјотрес“, напиша пратеничката Далија Орешковиќ на мрежата „Икс“.
Луѓето јавуваат дека земјотресот многу се почувствувал и во Загорје.
