Бугарија ја укина забраната за влез и карантин за одредени категории


Бугарија ја укина забраната за влез и карантин за одредени категории - МИА

Софија, 22 мај 2020 () – Забраната за влез во Бугарија денеска е укината за одредени граѓани на државите членки на ЕУ и на Шенген зоната, меѓу кои се и Сан Марино, Андора, Монако и Ватикан, соопшти бугарското Министерство за здравство.

Забраната е укината за следниве категории на луѓе: медицински експерти, медицински истражувачи, персонал за испорака на лекови,персонал кој се занимава со меѓународен превоз на патници и стоки, странски функционери, лица кои патуваат во хуманитарни цели, претставници на трговски, економски и инвестициски компании, сезонски земјоделски работници, угостителски работници и пограничен персонал, јави БТА.

Четиринаесетдневниот карантин за влез во Бугарија е укинат за неколку категории државјани на Бугарија и земјите од ЕУ, вклучително и луѓе кои патуваат во хуманитарни цели и претставници на трговски, економски и инвестициски компании.

Карантинот по влегувањето во Бугарија е укинат и за членовите на семејствата на бугарските граѓани и за лицата кои се во заедница со граѓани на Бугарија, за престој во Бугарија до седум дена.

Сите други лица кои влегуваат во Бугарија подлежат на 14-дневен карантин во нивниот дом или сместувањето, кое лицето го навело.


Дваесет нови случаи со Ковид -19, вкупно 1.694, оздравени 24 пациенти, тројца починати - МИА
Вести

Активни 470 случаи на заболени со Ковид-19, најмногу во Скопје

Скопје, 29 мај 2020 () – Поминаа два дена откако целосно е укинат полицискиот час во земјава, по посебни протоколи отворени се кафулињата и рестораните и дел од вработените се вратија на нивните работни места. […]

Неизвесни датумот за избори и продолжувањето на вонредната состојба - МИА
Вести

Неизвесни датумот за избори и продолжувањето на вонредната состојба

Скопје, 29 мај 2020 () – Советот за безбедност в сабота на пладне во претседателската вила „Водно“ ќе одлучува за евентуалното продолжување на вонредната состојба. Сабота е последниот ден кога истекува третата – двонеделната вонредна состојба […]