Брнабиќ: Државата е силна, институциите работат, насилството нема да победи


Брнабиќ: Државата е силна, институциите работат, насилството нема да победи - МИА

Белград, 12 јули 2020 () – Премиерката на Србија, Ана Брнабиќ денеска изјави дека државата е силна, институциите си ја вршат својата работа и оти насилството нема да победи.

Во исто време, таа апелираше до граѓаните да не се собираат со цел да го зачуваат здравјето и да спречат уште поголеми бројки на заболени од коронавирусот, и истакна дека во моментов нема потешка борба освен со короната, а време за протести ќе има.

Српската премиерка исто така изјави дека бројките што се однесува до пациентите, утрово се малку подобри во однос на вчерашниот ден, но дека е далеку од тоа да биде под контрола.

Затоа, според неа, собирите се голем ризик.

– Секогаш има време за протести, а за борба против коронавирусот нема повеќе време, рече Брнабиќ.

Таа, исто така, истакна дека е предизвикана голема материјална штета за време на насилствата на протестите.

Во меѓувреме, директорот на српската полиција, Владимир Ребиќ информира дека во текот на вчерашниот ден, на територијата на Белград биле уапсени 42 лица, поради разни инциденти извршени за време на демонстрациите претходните денови, а меѓу нив е и напаѓачот на новинарот на телевизијата Н1.

Тој за телевизија ТВ Прва изјави дека синоќешниот протест бил значително помалку насилен од претходните, а на крајот се случиле помали инциденти, поради што полицијата морала да интервенира.


Нови 141 случаи со КОВИД-19, оздравени 161 и еден починат пациент - МИА
Вести

Нови 141 случаи со КОВИД-19, оздравени 161 и еден починат пациент

Скопје, 11 август 2020 () – Министерството за здравство денеска регистрира 141 нови случаи на КОВИД-19 од направени 1.885 тестирања, како и 161 оздравени и еден починат пациент. Во последните 24 часа, како што соопшти […]

Активни 3327 случаи со Ковид-19, апел да се почитуваат мерките без исклучок - МИА
Вести

Активни 3327 случаи со Ковид-19, апел да се почитуваат мерките без исклучок

Скопје, 11 август 2020 () – Во последните неколку недели во земјава се бележат трицифрени бројки на заразени од Ковид-19. И покрај мерките за носење маска и држење дистанца, како и воведените протоколи, епидемијата не […]

Вести

Партиите се уште без договор за ново парламентарно мнозинство и влада

Скопје, 11 август 2020 () – Лидерите на СДСМ и ДУИ, Зоран Заев и Али Ахмети, на вчерашната средба не постигнаа договор околу формирањето на нова влада, сепак, како што истакнаа, разговорите ќе се продолжат […]

Биди првиот кој ќе коментира

Вашиот коментар

Твојата е-маил адреса нема да биде објавена.


*