Борисов: Бугарија не е ниту Србија, ниту Турција, не го разбирам Путин


Секој има право да бара алтернативни патишта, ние бараме алтернативна диверзификација, изјави бугарскиот премиер Бојко Борисов како одговор на рускиот претседател Владимир Путин, кој ја обвини Бугарија дека доцни со изградбата на гасоводот „Турски поток“.

Борисов за бТВ изјави дека некому веројатно не му се допаѓа што Бугарија е толку лојален сојузник на НАТО.

– Не сакам да зборувам за тоа што сакал да каже Путин. Имаме гаранции од ЕУ и САД дека Бугарија ќе биде центар за дистрибуција на гас. Не верувам дека Србите побрзо ќе го изградат својот дел од „Турски поток“, истакна бугарскиот премиер.

Тој нагласи дека Бугарија воопшто не доцни. Според него, „земја ги почитува сите барања и процедури на ЕУ, за разлика од земји како што се Србија, Русија или Турција.

– Бугарија ги следи процедурите на ЕУ, ние не сме ниту Србија, ниту Русија, ниту Турција. Ние работиме согласно процедурите на ЕУ, објавени се тендери, објасни премиерот, додавајќи дека информацијата на рускиот претседател можеби е стара, бидејќи во земјата активно се гради „Турскиот поток“ со по четири-пет километри дневно.

Борисов, исто така, потенцира дека најдоцна следната година Бугарија ќе се снабдува со гас од други извори преку Грција.

Тој се обрати кон Путин дека е добредојден, нагласувајќи дека морале да се запазат процедурите и затоа е забавена изградбата.

– Знам дека сум направил се што ветив за Бугарија и не случајно добив гаранции – прво од ЕК и од Брисел за дистрибутер на гас во Бугарија, а сега и во стратешкиот договор што го потпишавме во Белата куќа. Затоа, Бугарија е центар за гас, односно дистрибутер на гас, и тоа е прифатливо и за Белата куќа. Затоа, жал ми е – не верувам дека Србите многу побрзо од нас ќе го изградат, но сигурно ќе завршиме навреме, изјави Борисов.

Бугарскиот премиер додаде дека Путин е поканет да ја посети Бугарија и се очекува да дојде следната година, „што е добра можност да го види напредокот на нашите проекти“.

Рускиот претседател Владимир Путин претходно ја обвини Бугарија дека изградбата на гасоводот „Турски поток“ доцни поради неа.

– Бугарија ја забавува реализацијата на продолжувањето на „Турски поток“ на своја територија. Доколку Бугарија не сака, тогаш Русија ќе најде други можности за реализирање на гасоводот, нагласи Путин.

Од друга страна, пак, бугарски енергетски експерти истакнаа дека руска компанија ја забавува изградбата на гасоводот на бугарска територија, а некои од нив ја доведуваат во прашање профитабилноста на проектот за Бугарија, објави БГНЕС.


Тестирањето на околу 800 штипски текстилни работници завршува утре - МИА
Вести

Регистрирани нови 147 случаи на КОВИД-19 и шест починати

Скопје, 4 јули 2020 () – Во изминатите 24 часа од направени 1296 тестирања регистрирани се 147 нови случаи на КОВИД-19. Институтот за јавно здравје регистрира и 111 оздравени пациенти. Од КОВИД-19 во овој период […]

Партиите не отстапуваат од средби со граѓаните, но ветуваат почитување на мерките - МИА
Вести

Предизборната кампања на средина, се вжештува реториката

– Предизборната кампања за предвремените парламентарни избори на 15 јули е на средина, а партиите ја вжештуваат дебатата за економијата, правната држава и корупцијата. Партиите своите изборни програми и денеска ќе ги претстават на средби […]

Засега нема препорака за затворање на границите со Србија и со Косово - МИА
Вести

Засега нема препорака за затворање на границите со Србија и со Косово

Скопје, 4 јули 2020 () – Засега нема препорака од Комисијата за заразни болести ниту пак одлука за затворање на границите со Србија и со Косово, потврди вчера премиерот Оливер Спасовски и истакна дека во […]