Анкета: Најопасни за безбедноста на Косово се корупцијата, невработеноста и Србија



Најголеми опасности по националната безбедност на Косово претставуваат корупцијата, невработеноста и државата Србија, сметаат најголемиот дел од граѓаните опфатени со истражувањето на Косовскиот центар за безбедносни студии (ЌКСС) и Белградскиот центар за безбедносни политики (БЦСП).  Како што јави дописникот на МИА од Приштина, овие наоди беа објавени на денешната конференција на ЌКСС и БЦСП НА тема „Завршна фаза: Повторно започнување на дијалогот Косово – Србија“, на која беше објавен извештајот „Косовски барометар на безбедноста“, според кој 80 отсто од анкетираните граѓани сметаат дека Косово се уште е соочено со опасноста од поделба.  – Граѓаните беа прашани за тоа што е закана за националната безбедност. Корупцијата, невработеноста и Србија се најголемите опасности за безбедноста на Косово, според анкетираните. Граѓаните се уште сметаат дека поделбата на Косово и Асоцијацијата (на општини со мнозинско српско население) се меѓу загрозувачите на националната безбедност. 80 отсто од Албанците и натаму мислат дека постои опасност од поделба на Косово, информира истражувачот на ЌКСС Платор Авдиу.  Според резултатите на истражувањето, 35 отсто од анкетираните Косовари сметаат дека таксата од 100 отсто на увозот од Србија, воведена во ноември 2018 година, треба да остане во сила, додека 33 отсто велат дека таа треба да се замени со мерки на реципроцитет. Останатите 32 отсто сметаат дека таа треба да се укине.  Што се однесува до дијалогот меѓу Приштина и Белград, како што објави Авдиу, 50 отсто од анкетираните мислат дека тој треба повторно да започне, при што повеќето од нив сметаат дека треба да биде обусловен со меѓунасебно признавање на двете држави.


Вести

Владата одобри организација на продолжен престој на учениците во основните училишта

Владата на денешната 7-ма седница одобри организација на продолжен престој на учениците во основните училишта за одделенијата кои ќе започнат настава со физичко присуство, со препорака продолжениот престој да се организира и реализира со ученици […]

Вести

Спроведување на Јанкулоска е надвор од законската процедура, смета адвокатка Алексиќ

– Адвокатка на Гордана Јанкулоска, Сања Алексиќ  денеска пред новинарите изјави дека спроведување на Јанкулоска е надвор од секоја законска процедура од причина што таа е оневозможена  да  побара одлагање на издржувањето на казната по било кој друг […]

Бизнис и економија

Онлајн дискусија: За ефективни министри потребни се интегритет, работа и тим и вложување во администрацијата

– Три елементи се клучни за да понудиме резлтат во која било област што ја работиме – интегритет, работа и тим, потребно е и чувство дека како Министерство за одбрана сме дел од еден тим кој […]